• 29
    URT
    2020
    Zabaldu FacebookenZabaldu Twitter-en

    Saio dotorea eskaini dute Eneko Araiztegik, Hodei Munduatek, Maide Garmendiak eta Oihana Iguaranek Lardizabal eskolan

    "Bertsoa nora, zapiak hara" ederra joan da

    Urtarrilaren 28an izan da BERTSOA NORA, ZAPIAK HARA  bertso saioaren bigarren edizioa Lardizabal ikastetxean eta 45 minutuko bi saio eder eskaini dituzte bertsolariek.

    Ikasleak ez ezik, gurasoak, aiton-amonak eta zenbait herritar ere gerturatu da bertsoak entzutera, eta denek izan dute saio didaktikoan parte hartzeko aukera. Zaldibiako Bertso Eskolan dabiltzan ikasleek, berriz, puntuak jarri dizkiete bertsolariei eta dotore erantzun diete hauek.

    Emanaldi honen bidez, bertsolaritza herriko umeengana hurbiltzeko ahalegina egin da, inklusioa bultzatuz eta euskal kultura ezagutzera emanez.

    Nola Zapiak Bat elkarteak, hala Lardizabal eskolak, eskerrak eman nahi dizkizue saiora etorri zareten guztioi eta, batez ere, arratsalde bikaina eskaini diguten lau bertsolariei.

     

Boletina

ZaldibiaTB

Estekak