• 30
    URT
    2017

    TELLATUBERRI ZALDIBI 4 - 2 VENTANAS ISU LEIHOAK

     

    Ondo ezaguntzen diren bi talde aurrez aurre izan ziren larunbatean Restin. Sailkapenean elkar pasatzea zegoen jokoan, eta goiko postuetatik ez urruntzea noski. Lasartearrak ez ziren denborapasa etorri, partida berdindua joan zen, lehen zatian etxekoek aukera asko desaprobetxatu ondoren, bigarren zatian partida tenperaturaz igo zen. Joko horretan Tellatuberrik bere armak erakutsi zituen, eta 4-2ko estu batekin hiru puntuak eskuratu. Bostgarren dira orain Ordozgoitiren mutilak, bigarren sailkatutik hiru puntutara.

    Hiru puntu baino gehiago
    Partidaren ostean, hirugarren zatiaz elkarrekin gozatu zuten bi taldeek, ondo moldatzen direnaren seinale.
  • 23
    URT
    2017

    POWER RANGERS K.E. 2 - 4 TELLATUBERRI ZALDIBI

     

    Sailkapeneko goikoengandik ez urruntzeko asmoz, garaipen baten bila jo zuen Tellatuberrik igande goizean Oiartzuna. Lehen segunduetan markagailuan aurretik jarri ziren, eta partida erosoa jokatu zuten zaldibitarrek. Azken txanpan, etxekoak gol bakarrera gerturatu ziren, baina lasaitasunaren gola sartu eta hiru puntuak poltsikoratzen jakin zuten. Zazpigarren dira orain, baina bigarren sailkatua hiru puntutara izanik, bizirik dira oraindik.

  • 17
    URT
    2017

    C.D. MONDRATE 5 - 1 TELLATUBERRI ZALDIBI

     

    Liderraren kantxa bisitatzea tokatu zen ostiral gauean. Partida erabat hotz hasi zuten zaldibitarrek, eta arrasatearrek hasieratik erakutsi zuten, ez dutela asko behar arriskua sortzeko. 1-0ekoari ondo erantzun zion Tellatuberrik 1-1 berdinduz, baina hortik aurrera partidak ihes egin zien. Etxekoak oso eroso aritu ziren eta markagailua puztu zuten, hiru puntuekin geratzeko. Zazpigarren da orain Tellatuberri.

  • 30
    ABE
    2016

    Sei garaipen, lau berdinketa eta porrot bakarra bildu dute Ordozgoitiren mutilek. Bostgarren dira Gipuzkoako lehen mailako sailkapenean, play-offak jokatzeko urteroko borrokan.

    Ondo amaitu du urtea Tellatuberrik
  • 22
    ABE
    2016

    TELLATUBERRI ZALDIBI 5 - 5 HIRUKIDE ESKOLAPIOAK

     

    Partida zaila pasa den larunbatean Restin jokatu behar izan zutena, bi taldeen aldetik. Sailkapeneko gertutasunak puntuak garesti egotea ekarri zuen, eta markagailuan gertutik jarraitu zioten elkarri bi taldeek atsedenaldirarte. Bigarren zatian, Tolosako taldea gailendu zen jokoan, eta 3-5 jartzera heldu. Etxekoek gogor erantzun zuten ordea, partida berdinduz eta garaipena bilatuz, baina puntu banaketan geratu zen dena. Bostgarren dira orain zaldibitarrak, gabonetako atsedenaren aurretik.

  • 17
    ABE
    2016
    TELLATUBERRI ZALDIBI - HIRUKIDE ESKOLAPIOAK Gaur larunbata 17, 18:00tan Resti Pilotalekuan
  • 06
    ABE
    2016

    LAUBURU ALDAZ KLINIKA 0 - 1 TELLATUBERRI ZALDIBI

     

    Garaipen benetan baliotsua etxetik kanpo lorturikoa. Puntuetan berdinduta hasi zuten partida bi taldeek, zaldibitarrek markagailuan aurreratzen jakin zuten, eta joko defentsiboa plazaratuz amaierara iristea lortu. Hiru puntu garrantzitsu Ibarrako kantxa zailean eta berriro ere aurreko postuetara lotu da, asteburu honetako geldialdiaren aurretik.

  • 01
    ABE
    2016

    CECILIA FRUTA DENDA 3 - 2 TELLATUBERRI ZALDIBI

     

    Jardunaldi batzuk jarraian puntuatuz ibili ondoren, iritsi da porrota berriz ere. Igande goizean Lasartera egindako bisitak erosoa zirudien, markagailuan bi aldiz aurretik jarri ziren zaldibitarrak, baina etxekoek buelta eman eta garaipena eraman zuten. Bostgarren postura erori da orain Tellatuberri, borrokatzen segi behar.

  • 21
    AZA
    2016

    TELLATUBERRI ZALDIBI 6-4 JAIXKI AFT

     

    Etxeko taldea, beharrezkoa zuen garaipenaren bila atera zen, baina bi taldeek kantxan erakutsi zuten intentsitate faltak partida moteldu eta hoztu zuen hasiera hasieratik. Zaldibitarren golak nahiko errez etorri ziren eta markagailua puztutzea lortu zuten. Amaieran lezokoek estutu zuten arren, aldea berriro handitu eta hiru puntuak Tellatuberrirentzat izan ziren. Hirugarren dira orain sailkapenean.

  • 19
    AZA
    2016

    TELLATUBERRI ZALDIBI - JAIXKI AFT

     

    Lezoko taldeak bisitatuko du Resti, bihar arratsaldean. Azken berdinketak atzean utzi eta hiru puntuen bila kantxaratu beharko da Tellatuberri.

     

    Azaroak 19, larunbata

    17:00etan RESTI Pilotalekuan

Sailkapena ikusteko banerra
TELLATUBERRI iragarkia

Boletina

ZaldibiaTB