• 11
    AZA
    2013
    Zabaldu FacebookenZabaldu Twitter-en
    Bertsolari Txapelketaren inguruko barne hausnarketa

    Hona hemen Orkatz Gorrotxategiren bertso sorta, Tolosako txapelketako saioaren biharamunean.

     

    Doinua: Aizak hi mutil mainontzi

     

     

    1-

    Atzoko puntuak hegan

    eta pentsatuz niregan

    desadostasun orokor hori

    posible ote dan

    batzuen ustez aukeran

    puntu gehiegi zegon han

    eta berdintasun gutxiegi

    puntuatzeko eran

     

    2-

    Epaileen iritzia

    zaigu batzutan bitxia

    norbera dagoelako bere

    gustotan itxia

    hitz jokoen irrintzia

    mila kolorez jantzia

    bertsotan ere aniztasunak

    badu garrantzia

     

    3-

    Jende erdia gustora

    beste erdia aztora

    ta arrazoia aterpe bila

    ezin jo inora

    zale jakintsuen moda

    utzi ezean albora

    txapelketaren minbizi bihur

    liteke gerora

     

    4-

    Puntuz-puntuko katean

    denok loturik kaltean

    konpetizio sena haziaz

    zaleon artean

    halare denok pakean

    segiko dugu batean

    potogilea txaloz babesten

    dugun bitartean

     

    Orkatz Gorrotxategi