• 20
    API
    2016
    Zabaldu FacebookenZabaldu Twitter-en

    Joxe Antonio Irastorza "Furriela"k dotore osatu du bere habanera, Aralarko altxorren inguruan. Hurrengo nominatua Eleuterio Jauregi "Makalo" izango da, baserrietako emakumeak gaitzat hartuta. Panderoa utzi eta errimekin dantzan jarriko gaitu. Aupa Makalo!!

    Doinua: Habanera

    ARALARKO ALTXORRAK

     

    Lau urte nituenean

    Astoa etxetik hartu,

    Aita eta anaiekin

    San Miel nun ezagutu.

    Ondoren mende erdian

    Altxor kutxa dut gozatu:

    Larremear ta Allapurun

    Aberek ondo bazkatu,

    Zamiola ta Arritzan

    Ur garbietan freskatu,

    Alpatzetako basoan

    Ekaitzetatik babestu,

    Beogain eta Ganbotik

    Begira ezin aspertu.

    Denak maite dituenak

    Bakarra ezin hautatu. 

     

    Joxe Antonio Irastorza "Furriela"

     

    Nominatua: Eleuterio Jauregi "Makalo"

    Gaia: Baserrietako emakumeak

Banner bertso plaza

Boletina

ZaldibiaTB