• 24
    IRAI
    2015
    Zabaldu FacebookenZabaldu Twitter-en
    EHBilduko batzarra Espainiar hauteskundeak gaitzat hartuta

    Batzarra, hilaren 24an, OSTEGUNEAN izango da 19:00etatik 20:00etara KARREANEN. Bertan, espainiar hauteskundeetarako zerrenda bateraturako proposamena bozkatuko dugu eta zerrendaburu izateko proposamenak egingo ditugu.

    EH Bilduk prozesu parte-hartzaile eta gardena abiatuko du, espainiar hauteskunde orokorretan izango dugun jarrera eta zerrendaburuak militanteek erabakitzeko.

    NOLA IZANGO DA PROZESUA?

    Bi batzar egingo dira:

    1. BATZARRA:

    •     Udalerri bakoitzean, irailak 16tik 24ra bitartean EH Bilduk lehen batzarra deituko du. Zaldibian, hilaren 24an.
    •     Batzar horretara EH Bildurekin bat egiten duten herritar guztiak daude gonbidatuak.
    •     Lehen batzar honetan Amaiurrek Madrilen egindako lanaren balantzea egingo da.
    •     Bozketa: gizarte zibileko hainbat kidek egindako "Candidatura Unitaria" proposamena onartzen dugun edo ez bozkatuko dugu.
    •     Hautagai proposamenak: batzar bakoitzean nahi beste hautagai proposa daitezke. Proposamen guzti horiek bilduko dira herrialde bakoitzean.
    •     Herrialde bakoitzean egindago batzarren %10etan proposatuak izan diren hautagaiek aurrera egingo dute.
    •     Batzarren %10a lortu duten hautagaiekin herrialde bakoitzean bilerak egingo dira, euren prestutasuna ezagutzeko. Prest daudenekin herrietan bozkatzeko zerrendak osatuko dira.
    •     %10a lortzen ez duten hautagaiak ere zerrendatan agertuko dira, jaso dituzten babesekin batera, gardentasuna helburu.

    2. BATZARRA:

    •     Urriaren 16tik 30ra burutuko dira batzarrak, Zaldibian noiz egin zehaztuko dugu aurrerago.
    •     Bigarren herri batzarretan lurraldeko hautagaiak bozkatuko ditugu, Kongresurako zein Senaturako
    •     Herritar bakoitzak gizon bana eta emakume bana bozkatuko ditu. Horrela lurralde bakoitzean gizonik eta emakumerik bozkatuenak ezagutuko ditugu.
    •     Bozkak pertsonaka zenbatuko dira eta ez herri batzarreka.
    •     Batzarretako emaitzekin lehen lau zerrendaburuak hautatuko dira. Gutxienez 2 emakume egongo dira. Hala ez bada, bozka gehien jaso duten bi gizonek eta bi emakumeek osatuko dute zerrenda.

    Zure iritzia ematera bertara zaitezen gonbidatzen zaitugu. Ostegunera arte!

LANTALDEA
HERRI PROGRAMA

Boletina

ZaldibiaTB

Estekak