ZALDIBIA.ORG

EHBildu, 5 urteko ibilbidearen ondoren, alderdien koalizio izatetik alderdi jakinekin loturarik ez duten pertsona eta sektoreak bilduko dituen subjektu politiko bihurtzera doa. Horretarako prozesu eratzailea jarri du abian, ekainaren 17ko kongresuan amaituko dena.

Hilak 28, asteartea, iluntzeko 19:00etan Karreane Kultur Etxean elkartuko gara. Esku artean ditugun erronkak, pasa den ostiralean Gipuzkoako Batzarrean aipatutakoak eta bestelako ekarpenak izango ditugu hizketagai. Bertaratzeko gonbita luzatzen dizugu!

Hemen duzue Zaldibiako EHBilduren iritzia eta proposamena Aralarko gaiaren inguruan.

2017arekin batera, hemen datorkigu urteko lehen Udalherri bilgunea. Bi gai nagusi izango ditugu mahai gainean: Zaldibiako EHBilduren aurtengo erronkak eta Aralar Parke Naturala. Ohi bezala, bertaratzera gonbidatzen zaitugu!

Kurtso berriari hasiera emanez, ostegun honetan, urriak 27, arratsaldeko 18:30ean Karreane Kultur Etxeko goiko pisuan elkartuko gara esku artean ditugun hainbat gai jorratzeko. Bertaratzeko deia luzatzen dizuegu!

Legebiltzarrerako hauteskundeak ditugu igandean, benetan hitzordu garrantzitsua. Hauek dira EHBilduren ardatz nagusiak datozen urteetarako: erreskate soziala, erabakitze eskubidea eta bakegintza. 

Irailak 22, osteguna, iluntzeko 7etan izango da hitzaldia herriko plazan eguraldiak laguntzen badu. Oihana Etxebarrieta eta Ainhoa Beola zerrendakideak izango ditugu gurekin. Zatoz!

Hemen dituzue EHBilduren bozka eskatuz datozen egunetan burutuko ditugun ekimenak. Bertan parte har dezazuen gonbidatzen zaituztegu! Egin herri, egin irri!

Iluntzeko 7etan izango da plazan. Hauteskunde lanak antolatu, plangintza osatu eta Arnaldoren hautagaitzaz dugun informazioa emango da. Bertaratzera animatzen zaitugu!