http://www.zaldibia.org/ehbildu/ http://www.zaldibia.org/ehbildu/

Zaldibiko ehbildu

eu-ES Tue, 17 Sep 2019 23:04:14 +0100 40 Zaldibia.org http://www.zaldibia.org//images/logo.jpg http://www.zaldibia.org/ehbildu/ <![CDATA[Gora goaz, Euskal Errepublikarantz!]]> http://www.zaldibia.org/ehbildu/albisteak/4143/Gora_goaz_Euskal_Errepublikarantz!/ Thu, 08 Aug 2019 12:19:02 +0100 ALBISTEAK http://www.zaldibia.org/ehbildu/albisteak/4143 Thu, 08 Aug 2019 12:19:02 +0100 2019-08-10 2019-08-10 1 4143 zaldibiako ehbildu <![CDATA[Atzera begira, aurrera egiteko]]> http://www.zaldibia.org/ehbildu/albisteak/4142/Atzera_begira_aurrera_egiteko/ Pasa den asteartean ospatu genuen ohiko osoko bilkuran, gaiordeneko puntuetako bat zen aurreko legegintzaldi amaieratik zetorren gai bat, Aztiriaga etxea birgaitzeko proiektuarena. Zaldibiako EH Bilduren udal-taldetik, honakoa adierazi nahi dugu, PNVk kaleratu duen idatziaren harira.]]> Iazko abendutik indarrean dago Hiri Antolamenduko Plan Orokor berria (HAPO berria), PNVk dioen bezala ia 10 urteko lanketa eta tramitazio prozesuaren ondoren. HAPOan zehazten da, besteak beste, Zaldibian etxe berriak egiteko aukera non egongo den eta egun dauden etxebizitzak berritu edo birgaitzeko araudia zein izango den.

Etxe berriak eraikitzeari dagokionez, azken hamarkadan eraikitakoa aintzat hartuz eta herri tamaina hau mantendu nahi denez, Ibarrazpin gaur egun eraikitakoaren jarraian beste bi bloke eraikitzea eta Biloreko eremuan Mendi-Ondo parean etxebizitza gutxi batzuk eraikitzeko aukera aurreikusten da, ez besterik.

Horregatik, helburu nagusitzat gaur egun hutsik dauden etxeak berritu edota birgaitzea zela erabaki zen, 2010-2011 urteetan herritarrek bete zituzten inkestetan jasotako erantzunak kontuan hartuz, baita orduko hirigintza batzordean zeuden iritziak aintzat hartuz ere. Helburua argi izatea pauso garrantzitsua da, baina baita horra iristeko bidea aukeratzea ere.

HAPO berriak, orduko hirigintza lantaldeko eta hainbat bileretako iritziak kontuan izanda, Eremu Tradizionalean biltzen ditu Zaldibiako herri-guneko hainbat etxebizitza, hauen ezaugarriak mantendu eta babesteari begira. Eremu tradizionalaren barruan kokatutako etxeek, besteek baino araudi zorrotzagoak dituzte birgaitzerako garaian, estetika tradizionala mantentze aldera.

Aztiriaga eta Ermentari etxeak multzo horren barruan kokatzen dira Arrese eta Elosegi-Enea eraikinekin eta Txamarretxekoekin batera, goiko kaleko kaskoa osatzen dutelarik. Udaberrian Aztiriaga etxearen jabeek etxea birgaitzeko proiektu zirriborroa aurkeztu ziguten, herriko lau familia bertan bizitzen jartzeko asmoa agertuz. HAPOaren arabera proiektua aztertzen hastean, Eremu tradizionalean egoteak jartzen zizkien mugak agertu zitzaizkigun.

Proiektuan ikusi genuenez, Arrese aldeko fatxada gaur egun bezalaxe mantentzea aurreikusten zuten, Eremu tradizionaleko arauak errespetatuz eta HAPOa diseinatu zenean estetika tradizional hori babestearen aldeko iritzia kontuan hartuz. Baina Txarone aldeko plaza bezala ezagutzen dugun aldera araudia malguagoa izan beharko lukeela aipatzen zuten, gaur egungo bizimodu eta beharretara egokitzeko, leiho eta balkoi handixeagoak egiteko aukera emanez. Honetarako aukerarik ez bazegoen, proiektua bertan behera geratuko zen erosleek ezinbestekotzat jotzen baitzituzten aipaturiko aldaketa hauek.

Zaldibiko etxebizitza zaharrak eraberritzea herri erronka gisa ulertzen dugu, arauak muga bezala ulertu ordez, erreferentzia edo tresna moduan ulertu nahi ditugu. Gure ustez, aurkeztu diguten proiektuak bat egiten du etxebizitza zaharrak eraberritzeko dugun herri erronkarekin eta arau subsidiarioak idazterakoan jaso zen espiritu eta filosofiarekin. Horregatik, astearteko plenoan gure aldeko bozkarekin eta PNVren aurkakoekin bide eman zaio arauetan aldaketa puntual hau egiteko prozesuari.

Orain, dagozkion iragarkietan jakitera emango denez aldaketa justifikatzen duen txostena ikusi eta alegazioak jartzeko epea irekiko da. Oporraldiarekin bat egiten duenez hilabete eta erdira luzatuko da horretarako epea.

Zaldibiako PNVren jarrera ez dugu ulertzen, herriaren aurrean justifikatzen saiatu badira ere. Proiektuaren alde daudela esan zuten plenoan, baina aurkako bozka eman zuten. Hirigintza batzordean eremu tradizional guztia lantzea eskatu ziguten eta bitartean proiektu hau geldirik uztea.

Gezurra diote gaia lantzeko konpromisorik ez dugula diotenean, horretarako konpromisoa agertu baikenien plenoan bertan, horixe izango da Hirigintza Batzordean landu beharreko lehen gaietako bat. Baina beraiei esan genien bezala, batek ez du bestea kentzen. Erabat bateragarria da etxe huts bat birgaitzeko proiektu honi bide eman eta lanketa horretan sakontzea.

Izan ere, kontziente gara aurkezten zaigun proiektu bakoitzean araua aldatzen aritzea ez dela egokiena. Baina, aldi berean, errealitate bihurtzera doan proiektu honi, etxebizitza zaharkitu eta hutsa herritarrez betetzera doan honi, aurreko fatxadan bere izaera eta ezaugarri tradizionalak mantenduko dituen honi, bide emateko betebeharra ikusi dugu, HAPOaren beraren muina eta ikuspegia aintzat hartuta.

Gure borondateaz aipamena eginez bukatzen da PNVren idatzia. Jakin dezatela zaldibitarrek lehen esan bezala plenoan bertan konpromisoa hartu genuela eremu tradizionalaren gaia lantzeko. HAPO berriak datozen urteetako norabide eta norantza definitzen du eta gure iritziz ezin da dokumentu itxi eta ukiezin bilakatu, bidea egiteko baliagarri izango den tresna izan behar du.

Ez dakigu Zaldibiako PNV berak guri exijitzen digun borondate eta konpromisoa izango duen, orain arteko jarrerek bestelakoa erakutsi baitigute: ez egin eta ez egiten utzi, zarata eta zalaparta, kexak bai, baina proposamenik ez. Aldebiko lehen bileran bertan argi agertu zuten beraien jarrera. Elkarlanerako proposamenen artean Ordizia-Zaldibia bide-gorriarena aipatu genien, adibide bezala bi taldeak elkarrekin Foru Aldundira joateko prest egongo al ziren galdetuta. Erantzuna honakoa izan zen: “Zertako? Gero medalla zuek jazteko?”.

Alderdi interesez haratago herri interesak eta herritarrak daude, baina dirudienez PNVko Zaldibiako zinegotziei berdin zaie hori, medalla nork janzten duen soilik inporta zaie. Legegintzaldia hasi besterik ez da egin eta gure saiakera egingo dugu herri interesak defendatu eta elkarlan bideak urratzeko oposizioarekin. Gauza jakina da, ordea, zubiak bi aldetatik eraikitzen direla eta bien borondatea ezinbestekoa dela. Gurea mahai gainean dago.

Bukatzeko, dei egin nahi diegu zaldibitarrei Udal batzorde eta arloetan izena emateko, hirigintzakoan kasu. Badago zer landu, eta ezinbestez denon artean egin behar dugu hori.

Zaldibian, 2019ko uztailaren 26an

]]>
Fri, 26 Jul 2019 19:08:59 +0100 ALBISTEAK http://www.zaldibia.org/ehbildu/albisteak/4142 Fri, 26 Jul 2019 19:08:59 +0100 2019-07-26 2019-07-26 0 4142 zaldibiako ehbildu
<![CDATA[Eskarrikasko Zaldibi!]]> http://www.zaldibia.org/ehbildu/albisteak/4059/Eskarrikasko_Zaldibi!/ EH Bildu koalizioaren ibilbideak 8 urte egin ditu jada Zaldibiko udalgintzan, behetik eta ezkerretik Euskal Herriaren burujabetzari eta jendarte justu eta duin baten alde bere ekarpena eginez. Hirugarren udal hauteskunde zita igaro berri, Zaldibian oinarri zabala eta sendoa dugula konfirmatzera datoz igandeko emaitzak. Hala ere, udal kudeaketan aritzeak duen ardurak, hainbat gaietan oinarri horretako kide batzuk ez ditu asebete eta azken bozetan mezu hori ere jaso dugu, bozka galera izan baitugu herrian. Hauteskunde emaitzek zinegotzi bat gutxiago emango digute datorren legealdiari begira.

Hasieran esan bezala, EH Bilduren udal lan-talde berria gogotsu dator, herritarren beharrak jaso, elkarlanean landu eta bideak eskaintzera eta zabaltzera. Gure oinarriak merezi duelako, azken urteetan asebete ez ditugun horiek merezi dutelako, etxean geratu direnek merezi dutelako, eta batez ere, Zaldibik eta zaldibitarrok merezi dugulako.

Alde txikiagatik baina ez dugu lortu Juankar diputatu nagusi izaterik eta horrek ez digu bidea erraztuko Foru Aldundian. Nabaria da eredu talka handia dugula EAJrekin, bai proiektuetan, baita lanerako moduetan ere. Guk geureari eutsiko diogu eta espero dugu kanpainan Markel Olanok hainbestetan errepikatu duen adostasuna eta elkarlana bultzatzeko asmoa hitz hutsetan ez geratzea eta aurreko lau urteetan baino harreman emankorragoak izatea.

Amaitzeko, gogora ekarri nahi dugu “herriak balia gaitzala" gure leloa. Lan-taldeko kideon konpromisoa da herritarrak herriari dagozkion erabaki eta lanetan inplikatzeko bideak jartzea. Bidea urratzeko, ordea, ezinbestekoak dira herritarrak, ezinbestekoa zara zu. Zurekin gara Zaldibi, bidean elkartuko gara.

Zaldibian, 2019ko maiatzaren 27an.

Zaldibiako EH Bildu

]]>
Mon, 27 May 2019 21:58:14 +0100 ALBISTEAK http://www.zaldibia.org/ehbildu/albisteak/4059 Mon, 27 May 2019 21:58:14 +0100 2019-05-27 2019-05-27 0 4059 zaldibiako ehbildu
<![CDATA[EH Bilduk iganderako azken deia luzatu die herritarrei]]> http://www.zaldibia.org/ehbildu/albisteak/4057/EH_Bilduk_iganderako_azken_deia_luzatu_die_herritarrei/ Eguraldiaren baimenarekin, Zaldibiako plazan itxi du hauteskunde kanpaina Zaldibiako EH Bilduk. Haurrentzako jolasak eta nagusientzat mahaiaren bueltan mokaua. Hautagaiekin hitz egiteko aukera izan dute herritarrek. Igandean hautesontzietan dugu hurrengo zita. Herriak balia gaitzala!

 

Hemen duzu informazio guztia: Herri programa, hautagaiak, ekitaldiko bideoa.]]> Hemen duzu informazio guztia: Herri programa, hautagaiak, ekitaldiko bideoa.

]]> Fri, 24 May 2019 22:12:35 +0100 ALBISTEAK http://www.zaldibia.org/ehbildu/albisteak/4057 Fri, 24 May 2019 22:12:35 +0100 2019-05-24 2019-05-24 0 4057 zaldibiako ehbildu
<![CDATA[Ostiralean EH Bilduren kanpainako azken ekimena Zaldibiako plazan]]> http://www.zaldibia.org/ehbildu/albisteak/4055/Ostiralean_EH_Bilduren_kanpainako_azken_ekimena_Zaldibiako_plazan/ Maiatzak 24 ostirala, kanpainako azken ekimena haur eta gaztetxoentzako kale jolasez, eta musikaz hornitu dugu. Ondoren mokadutxo bat egingo dugu plazan bertan. arratsaldeko 19:30tatik aurrera, eguraldiak baimentzen badu behintzat.

 

Hemen duzue pasa den ostiraleko ekitaldian Marian Beitialarrangoitiak egindako hitzartzea.]]> Tue, 21 May 2019 09:55:24 +0100 ALBISTEAK http://www.zaldibia.org/ehbildu/albisteak/4055 Tue, 21 May 2019 09:55:24 +0100 2019-05-24 2019-05-21 1 4055 zaldibiako ehbildu <![CDATA[Herriak balia gaitzala! Aurkezpena]]> http://www.zaldibia.org/ehbildu/albisteak/4050/Herriak_balia_gaitzala!_Aurkezpena/ Eguraldi tristeari bizkar emanaz bildu gara Zaldibiako plazan Zurekin ZALDIBIA gara goiburupean EH Bilduk deituta hauteskundetako ekitaldia burutzeko. Azken zortzi urtetako lanak, egun esku artean ditugunak eta etorkizuneko erronketaz aritu dira Joxan Etxabe alkatea eta Eztitxu Mujika alkatetzarako hautagaia. Marian Beitialarrangoitiak berriz Gipuzkoara, Euskal Herrira eta Europara begira jarri gaitu.]]> Hemen dituzue ekitaldiko argazkiak eta bideoa ere zintzilikatuko dugu.

EH Bilduren ekitaldia: Herriak balia gaitzala

Loturak: Herri programa, hautagaiak, ekitaldiko argazkiak

]]> Fri, 17 May 2019 22:58:08 +0100 ALBISTEAK http://www.zaldibia.org/ehbildu/albisteak/4050 Fri, 17 May 2019 22:58:08 +0100 2019-05-17 2019-05-17 0 4050 zaldibiako ehbildu
<![CDATA[Zurekin ZALDIBIA gara ekitaldia]]> http://www.zaldibia.org/ehbildu/albisteak/4035/Zurekin_ZALDIBIA_gara_ekitaldia/ , hautekunde kanpainako ekitaldi nagusia ospatuko dugu arratsaldeko 19:30ean Zaldibiako plazan. Gonbidatu berezi gisan Marian Beitialarrangoitia izango dugu. Zurekin ZALDIBIA gara! Loturak: Herri programa, hautagaiak]]> Sun, 12 May 2019 23:13:26 +0100 ALBISTEAK http://www.zaldibia.org/ehbildu/albisteak/4035 Sun, 12 May 2019 23:13:26 +0100 2019-05-17 2019-05-17 1 4035 zaldibiako ehbildu <![CDATA[Hauteskunde kanpainako egutegia]]> http://www.zaldibia.org/ehbildu/albisteak/4032/Hauteskunde_kanpainako_egutegia/ Zaldibiako EH Bilduk ostiralean, (gaur iluntzean)  hasiko du hauteskunde kanpaina kartel jartze herrikoiarekin. Ekimen nagusia hurrenagoko ostiralean burutuko den ekitalditaldia izango du. Hemen duzue hauteskundetako egutegia.]]> MAIATZAK 10 OSTIRALA:

19:30ean KALE DINAMIKA kartelak jartzea herrian zehar.

MAIATZAK 17 OSTIRALA:

Zaldibiako EKITALDI NAGUSIA 19:30ean PLAZAN

MAIATZAK 18 LARUNBATA:

9:30ean plazatik abiatuta BOTO BANAKETA baserri eremuan

MAIATZAK 19 IGANDEA:

HERRIALDEKO EKITALDIA DONOSTIAN

MAIATZAK 21 ASTEARTEA:

19:00etan plazatik abiatuta BOTO BANAKETA kale eremuan

MAIATZAK 24 OSTIRALA:

KALE DINAMIKA musikatua eta 19:30etan kartelak jartzea herrian zehar. Ondoren mokadutxoa.

MAIATZAK 26 IGANDEA: DENOK BOZKATZERA! eta iluntzean emaitzen jarraipena eta afaria.

LOTURAK:

]]>
Thu, 09 May 2019 23:59:00 +0100 ALBISTEAK http://www.zaldibia.org/ehbildu/albisteak/4032 Thu, 09 May 2019 23:59:00 +0100 2019-05-09 2019-05-09 0 4032 zaldibiako ehbildu
<![CDATA[Zaldibiarentzako herri programa]]> http://www.zaldibia.org/ehbildu/albisteak/4027/Zaldibiarentzako_herri_programa/

Hemen irakurri dezakezuena laburpena duzue. Herri programa osoa ikusteko deskargatu orri amaierako PDFa edo jarraitu lotura,ISSUtik irakurtzeko sakatu hemen

LANEAN JARRAITZEKO INDARRA ETA ESPERIENTZIA BILDU DITUGU,

HERRIAK BALIA GAITZALA

Udalerako izen zerrenda bat baino gehiago, lantaldea osatu dugu eta badago aldea batetik bestera. EH Bilduren oinarriek ezarritako irizpideak ere kontuan izan ditugu: alkategaia emakumea izatea eta lantalde parekidea izatea, esperientzia eta freskotasuna nahastea, gazteak eta ez hain gazteak, kalekoak eta baserrikoak...

Herria egiteko era eta ikuspuntu ezberdinak daude, eta Udaletik egiten den lanak eta erabiltzen diren moduek badute eragina horretan. Ezkertiar eta independentista garenontzat jendartearen eraldaketarako gune bat gehiago da Udala, etxea, auzoa, lantokia, kuadrilla edo kalea diren bezala.

Eraldaketa burujabetzatik dator, erabakiak hemen eta geuk hartzetik. Kolektiboan pentsatuz, norberetik ekinez. Horregatik da garrantzitsua herritarren ahalduntzea lantzea eta elkarlanerako bideak irekitzea. Pertsona askea ez da loturarik ez duena, erabakiak hartzeko gaitasuna eta ahalmena dituena baizik.

Lau urte denbora gehiegi da agindu nahi duenarentzat eta gutxi herritarrak ahaldundu nahi dituenarentzat. Azken urteetan horretan ahalegindu gara, batzuetan asmatu dugu, besteetan ez. Lan batzuk egin ditugu, besteak martxan daude eta beste hainbat burutzeko geratu zaizkigu. Lantalde berria aurkeztu dugu erreleborako. Eman diezaiegun babesa herria ahalduntzen jarraitzeko.

HERRITARREN PARTAIDETZAZ, PLAZA INGURUA DISEINATUKO DUGU

Udal eraikin berria eraikitzen den bitartean badugu erronka berria, plazaren diseinuaz eztabaidatzea: estalpea, parkea, terrazak... Nola antolatu? Herriaren bihotza izanik, guztiok dugu zeresana. Ikuspuntu ezberdinak jaso eta denon neurriko plaza diseinatzeko bideak jarriko ditugu.

• Zaldibia Plazara! Partaidetza prozesua egingo dugu plazaren diseinuaz herriko sektore guztiekin hausnartu eta eztabaidatzeko. Behin eztabaida burututa, proiektua idatziko da.

• Udal eraikin berriaren obrei jarraipena egingo diegu eta behe solairuko espazioen erabilerak landuko ditugu erabiltzaileekin.

ARALARREN OREKA, ETA ELKARBIZITZA BULTZATUKO DUGU

Belaunaldi bakoitzaren lana da hurrengo belaunaldiari bizi baldintza hobeak uztea. Aralarko lurretan bezala herrikoetan, jasangarritasunak, orekak eta berreskurapenak izan behar dute ardatz; horretarako, sektore ezberdinen elkarlana eraiki behar da.

• Aralarren eta herri lurretan orekaren, elkarbizitzaren eta berreskurapenaren alde lan egingo dugu, zientzialariek eta erabiltzaileek duten jakintza baliatuz.

• Goizaneko eraldaketa gunea sustatu nahi dugu, ekoizleak eta herritarrak lotuz.

• Ingurumenak duen garrantziaz jabetzeko, ikuspegiak zabaldu eta ekimen praktikoak proposatuko ditugu.

EUSKARA, KULTURA ETA KIROLA: EGIN, ETA BATEZ ERE ERAGIN

Kultura eta kirola ez dira soilik ikuskizunak, herri nortasuna, herri sorkuntza, herri jakintza dira. Jaiak ere kultura dira, baina aspaldian zain gaudela dirudi. Norbaitek eskainirikoa jasotzeko zain. Zaldibian badugu nortasun nahikoa kultura, kirolak, jaiak eta euskara bezalako eremuak antolaketa herrikoi batetik garatzeko, baita erronka berriak asmatzeko ere.

• Zaldibiako kultur eragileak bildu eta ahaldundu nahi ditugu kultur eremuari bultzada berri bat emateko.

• Udalaren jabetzako kultur eta kirol baliabide eta azpiegiturak eragile horien beharretara egokitzeko lan egingo dugu.

• Euskara bere egin nahi duen orori bitarteko zabalak eskainiko dizkiogu.

ERTZETIK ERDIGUNERA:

ANIZTASUNA, GAZTERIA, HEZKUNTZA ETA BERDINTASUNA

Arlo horietan guztietan lan asko dago egiteko, kontzientziaziotik hasi, diagnostiko eta plangintzak egin eta politika zehatzak aplikatzeraino. Udalaz gaindi, herriko taldeekin zuzenean egin beharreko lanketak dira, eta Zaldibian badago horretarako sarea: Aske talde feminista, ZGA, Guraso Elkartea eta Lardizabal Herri Eskola, Etxekonekok aniztasun elkartea…

• Herriko sare eta talde guztiekin elkarlanean aritu nahi dugu.

• Hausnarketa, diagnostiko eta plangintzak egiteko bitartekoak jarriko ditugu.

• Udalean, berdintasun teknikaria kontratatuko dugu barne zein kanpo lanketarako.

Guzti honetarako ZU BEHAR ZAITUGU, zure ideiak, zure ikuspegia eta zure parte hartzea ahalbideratzen saiatuko gara, guztion artean aniztasunean eta berdintasunean oinarrituriko Zaldibia herrikoi, ezkertiar, aurrerakoi, euskalduna eraikitzen lagundu gaitzazun, 2019ko maiatzaren 26an EUSKAL HERRIA BILDU.

Lotura:Zaldibiako Udalerako EH Bilduren hautagai zerrenda

]]>
Thu, 09 May 2019 00:15:46 +0100 ALBISTEAK http://www.zaldibia.org/ehbildu/albisteak/4027 Thu, 09 May 2019 00:15:46 +0100 2019-05-09 2019-05-09 0 4027 zaldibiako ehbildu
<![CDATA[Hauteskundeen inguruko batzarra]]> http://www.zaldibia.org/ehbildu/albisteak/4017/Hauteskundeen_inguruko_batzarra/ Zaldibiako Euskal Herria Bilduk pasa den igandeko hauteskundeek sortutako egoera aztertu eta maiatzaren 26an burutzeko diren hauteskundeetarako kanpaina prestatzeko herri batzarra antolatu du ostegunerako,  maiatzak 2, arratsaldeko 20:00etan Kimuenen izango da.]]> Sat, 27 Apr 2019 23:59:03 +0100 ALBISTEAK http://www.zaldibia.org/ehbildu/albisteak/4017 Sat, 27 Apr 2019 23:59:03 +0100 2019-05-02 2019-05-02 1 4017 zaldibiako ehbildu <![CDATA[Zurekin ZALDIBIA gara]]> http://www.zaldibia.org/ehbildu/bideoak/3999/Zurekin_ZALDIBIA_gara/ Sun, 07 Apr 2019 23:13:10 +0100 BIDEOAK http://www.zaldibia.org/ehbildu/bideoak/3999 Sun, 07 Apr 2019 23:13:10 +0100 2019-04-07 2019-04-07 0 3999 zaldibiako ehbildu <![CDATA[Zaldibiako Udalerako EH Bilduren hautagai zerrenda]]> http://www.zaldibia.org/ehbildu/albisteak/3998/Zaldibiako_Udalerako_EH_Bilduren_hautagai_zerrenda/ Zaldibiako EH Bilduko zerrenda:

1. Eztitxu Mujika Mariezkurrena2. Mikel Luloaga Aranburu “Lulu”3. Unai Beloki Garmendia4. Jone Garmendia Alkaiaga5. Jon Luloaga Aranburu6. Laida Elizegi Armendariz7. Xabier Irastorza Jauregi “Berdi”8. Maialen Mendizabal Luluaga9. Jexux Mari Jauregi “Altzo Txiki”10. Margari Eizagirre Aranburu11. Agustin Mujika Iartza “Takolo”12. Mila Etxeberria Arrese

]]>
Sun, 07 Apr 2019 20:40:08 +0100 ALBISTEAK http://www.zaldibia.org/ehbildu/albisteak/3998 Sun, 07 Apr 2019 20:40:08 +0100 2019-04-07 2019-04-07 0 3998 zaldibiako ehbildu
<![CDATA[4. Lan saioa: hautagaiak eta kanpaina]]> http://www.zaldibia.org/ehbildu/albisteak/3989/4._Lan_saioa:_hautagaiak_eta_kanpaina/ Tue, 02 Apr 2019 22:21:03 +0100 ALBISTEAK http://www.zaldibia.org/ehbildu/albisteak/3989 Tue, 02 Apr 2019 22:21:03 +0100 2019-04-04 2019-04-04 1 3989 zaldibiako ehbildu <![CDATA[A28: Posta bidezko bozka]]> http://www.zaldibia.org/ehbildu/albisteak/3980/A28:_Posta_bidezko_bozka/ Kongresu eta Senaturako Hauteskundeetan kanpoan baldin bazaude, posta bidezko bozka nola eman azaltzen dizugu. Lehen pausoa Correoseko bulegoan eskaera egitea da.]]> Tue, 26 Mar 2019 11:04:53 +0100 ALBISTEAK http://www.zaldibia.org/ehbildu/albisteak/3980 Tue, 26 Mar 2019 11:04:53 +0100 2019-03-26 2019-03-26 0 3980 zaldibiako ehbildu <![CDATA[Herri-Programa osatzeko 2. lan-saioa]]> http://www.zaldibia.org/ehbildu/albisteak/3963/Herri-Programa_osatzeko_2._lan-saioa/ Ostegunean, martxoak 7, herri-programa osatzeko 2. lan-saioa izango dugu 19:00etan Kimuenen. Saio honetan honako gaiak jorratuko dira: euskara, kultura, gazteria, kirola, parte hartzea eta hirigintza. Orain artekoaren errepasoa egin eta aurrera begirako erronkei begira jarriko gara. Zatoz!]]> Tue, 05 Mar 2019 16:23:54 +0100 ALBISTEAK http://www.zaldibia.org/ehbildu/albisteak/3963 Tue, 05 Mar 2019 16:23:54 +0100 2019-03-07 2019-03-07 1 3963 zaldibiako ehbildu <![CDATA[Herri-Programa osatzeko lan-saioen data aldaketa]]> http://www.zaldibia.org/ehbildu/albisteak/3946/Herri-Programa_osatzeko_lan-saioen_data_aldaketa/ Bihar hastekoak genituen herri-programa osatzeko gaikako lan-saioak, baina greba feministaren hitzaldia ere bihar denez, saioen egitaraua ASTEBETEZ ATZERATUko da. Hala, lehen saioa 28an izango da Antzokian eta Aralar izango dugu hizpide. ]]> Hauteskunde lanketaren baitan, Herri-Programa osatzeko lanetan murgiltzera goaz datozen asteetan. Hori dela eta, hiru deialdi egin ditugu gure kidegoa saioetara gerturatu eta ekarpenak jaso asmoz.

OTSAILAK 28, OSTEGUNA, 19:30-21:00 ANTZOKIAN: ARALAR, saio monografikoa.EHBilduk eskatuta hainbat teknikarik idatzi duten Larreen Antolamendu Planaren aurkezpena egingo da, teknikoen beraien eskutik.

MARTXOAK 7, OSTEGUNA, 19:00-20:30 KIMUENEN: Euskara, Kultura, Kirola, Gazteria, Parte Hartzea eta Hirigintza gaiak landuko dira.

MARTXOAK 14, OSTEGUNA, 19:00-20:30 KIMUENEN: Zerbitzuak, Aniztasuna, Berdintasuna, Ongizatea eta Ingurumena arloak landuko dira.

Bertaratzeko deia egiten dizuegu. Denon artean, zurekin!

Zaldibiko EHBildu

]]>
Wed, 20 Feb 2019 16:56:05 +0100 ALBISTEAK http://www.zaldibia.org/ehbildu/albisteak/3946 Wed, 20 Feb 2019 16:56:05 +0100 2019-02-28 2019-02-28 1 3946 zaldibiako ehbildu
<![CDATA[Herri-Programa osatzeko lan-saioak]]> http://www.zaldibia.org/ehbildu/albisteak/3941/Herri-Programa_osatzeko_lan-saioak/ Datozen 3 ostegunetan, arloz arloko saioak egingo ditugu, azken urtetan egindakoa errepasatu eta ekarpen berriak jasotzeko. Lehen saioa monografikoa izango da Aralarko gaia lantzeko, otsailaren 21ean, osteguna, 19:30ean Kimuenen. ]]> Hauteskunde lanketaren baitan, Herri-Programa osatzeko lanetan murgiltzera goaz datozen asteetan. Hori dela eta, hiru deialdi egin ditugu gure kidegoa saioetara gerturatu eta ekarpenak jaso asmoz.

OTSAILAK 21, OSTEGUNA, 19:30-21:00 KIMUENEN: ARALAR, saio monografikoa.

EHBilduk eskatuta hainbat teknikarik idatzi duten Larreen Antolamendu Planaren aurkezpena egingo da, teknikoen beraien eskutik.

OTSAILAK 28, OSTEGUNA, 19:00-20:30 KIMUENEN: Zerbitzuak, Aniztasuna, Berdintasuna, Ongizatea eta Ingurumena arloak landuko dira.

MARTXOAK 7, OSTEGUNA, 19:00-20:30 KIMUENEN: Euskara, Kultura, Kirola, Gazteria, Parte Hartzea eta Hirigintza gaiak landuko dira.

Bertaratzeko deia egiten dizuegu. Denon artean, zurekin!

Zaldibiko EHBildu

]]>
Fri, 15 Feb 2019 17:55:11 +0100 ALBISTEAK http://www.zaldibia.org/ehbildu/albisteak/3941 Fri, 15 Feb 2019 17:55:11 +0100 2019-02-21 2019-02-21 1 3941 zaldibiako ehbildu
<![CDATA[Bigarren lan-saioa ostegunean]]> http://www.zaldibia.org/ehbildu/albisteak/3928/Bigarren_lan-saioa_ostegunean/ Udal eta Foru Hauteskundeen harira, abenduan egin genuen lehen saioari jarraipena emanez bigarren lan-saiorako deialdia egin dugu. Kimuenen izango da hilaren 24an, OSTEGUNEAN, 19:00etatik 20:00etara.]]> Lehen saiotik hona hautets zerrendarako proposamenak egiteko aukera egon da eta bildutakoaren berri emateaz gain, herri-programaz eta kanpainaz ere hitz egingo da ostegunean.

Bertaratzeko gonbita egiten dizugu.

]]>
Tue, 22 Jan 2019 15:18:29 +0100 ALBISTEAK http://www.zaldibia.org/ehbildu/albisteak/3928 Tue, 22 Jan 2019 15:18:29 +0100 2019-01-24 2019-01-24 1 3928 zaldibiako ehbildu
<![CDATA[Udal eta Foru hauteskundeak 2019]]> http://www.zaldibia.org/ehbildu/albisteak/3882/Udal_eta_Foru_hauteskundeak_2019/ Datorren urteko maiatzean izango diren Udal eta Foru Hauteskundeen harira, kokapenerako eta ekarpenetarako lehen saioa antolatu dugu abenduaren 19an, asteazkena, 19:00etatik 20:00etara Kimuene kulturgunean. Bertaratzeko gonbitea egiten dizuegu.]]>

]]>
Thu, 13 Dec 2018 16:40:18 +0100 ALBISTEAK http://www.zaldibia.org/ehbildu/albisteak/3882 Thu, 13 Dec 2018 16:40:18 +0100 2018-12-19 2018-12-19 1 3882 zaldibiako ehbildu
<![CDATA[Zaldibia Herrigintzani erantzuna]]> http://www.zaldibia.org/ehbildu/albisteak/3617/Zaldibia_Herrigintzani_erantzuna/ Lehen ere Zaldibia Herrigintzan udal-taldeak bizpahiru aldiz jokaldi bera egin izan du eta ohitzen hasiak gaude jada. Herritarrei banatutako azken idatziari buruz ari gara. Aurrekoetan aldebiko bileretan erantzun izan diegu eta ez gara publikoki erantzutera sartu, baina muga jarri beharrean aurkitu gara oraingoan. Beraz, hemen Zaldibiako EHBilduko udal-taldearen erantzuna:]]> Hauteskundeak datorren urtean dira eta hasi da hori nabaritzen udal jardunean. Badirudi oraingoan ere Zaldibia Herrigintzanen programako gai-izarra hondakinena izango dela. Lehenik gogorarazi nahi diegu, gai hori lantzeko batzordea martxan dagoela, bi taldeetako kideek osatzen dugula eta hura dela lekua proposamenak egin eta aztertzeko. Azken hilabeteetan ez dute batzordean jarraikortasunez parte hartu eta ez diote sinesgarritasunik eman bertan egindako lanari.

Are gehiago, batzordea gainetik pasa eta Sasietarekin bilera nahi zutela esaten zuten behin eta berriz. Esan genien hondakinen bilketa udalaren eskumena dela eta beraz, batzordean hobekuntza proposamenak landu ondoren bilduko ginela haiekin. Hala, beraien aldetik inolako proposamenik jaso gabe, Sasietarekin biltzeko deialdia egin genuen eta ez zirela etorriko abisatu ziguten egunean bertan. Gero, zergatia azaldu gabe, baina ideiaz aldatu eta etorri egin ziren.

Bilera hartarako Sasietako teknikariek egindako azalpena jaso zuten azkenean beraz, eta txostena ere eskutan izango dute. Bertan nabarmen ageri da non kokatzen den arazo nagusia: Tejeri, Bilore eta Gaintzako bidegurutzeko birziklaguneetan, eta ez atez-ateko bilketa eremuan.

Honen harira honakoa azaldu nahi dugu:

- Udaleko hondakin batzordeak azterketa juridiko, sozial, ekonomiko eta teknikoa egiteko Luar enpresa kontratatu zuen bai, baina gastua ez zuen Udalak bakarrik ordaindu, Foru Aldundiak ordaindu baitzuen kostuaren %65a.- “Guk belarria jarri, zuk ekarri” dinamika azterketa horren baitan egin zen. 100 herritar pasatxok hartu zuten parte etxez etxeko bileretan. Nabarmen geratu zen kexa gehienak hiru birziklaguneen ingurukoak zirela eta honi konponbidea ematea izan behar zela lehentasuna.- Iaz udal-langileen eta arduradunen bidez jarraipena egiteari ekin genion, eta aurten, horretaz gainera, aurrekontuetan diru partidak izendatu ditugu jasotako ekarpenei erantzuteko eta Sasietarekin batera koordinatu gara.

Beraz, herritarrak, hondakin batzordea eta Sasieta bat gatoz hiru guneetako egoerari irtenbidea eman behar zaiola esatean. Zaldibia Herrigintzani adierazi nahi diogu ez ditzala kontzeptuak apropos nahastu. Herrian bi bilketa sistema ditugu: herrigunean atez-atekoa eta landa-eremuan edukiontzi bidezkoa. Eta arazoa bigarren honetan dago.

Arazo hau konpontzeko Sasietarekin hainbat bilera egin ditugu eta Zaldibia Herrigintzaneko ordezkariek ez dute bilera hauetan apenas parte hartu, ezta hartutako erabakien berri izateko gurekin harremanetan jarri ere.

Neurri hauek hartu dira azken asteetan:

- Landa-eremuko guneetako txartel aldaketa: txartel berriak egin dira, zaharrak baliogabetuz errolda eguneratzeko.- Orain txartel bakoitzak gune bakarrerako balio du.- Atez-ateko bilketa zabaldu da kamioiaren ibilbidean eskura dauden hainbat baserrietara.- Erabiltzaileei formakuntza eta informazioa eman die Sasietako teknikariak.- Ikuskatzaile bat egunero gune guztietatik pasatzen da eta zigor-espedienteak zabaltzen zaizkie erabilera okerra egiten dutenei.

Nabarmena da azken asteetan guneetako egoerak hobera egin duela eta txartel berriekin are gehiago hobetuko da. Hala ere, sakoneko arazoa honakoa da: guneetako errefusa ontzietan bereizi gabeko hondakin asko botatzen da nahasian. Hemen datu batzuk:

- Herriguneko familia batek baino 3 aldiz errefusa gehiago botatzen du birziklagunea erabiltzen duen familia batek.- Ekonomikoki, herriguneko errefusa tratatzeko 6.114€ gastatzen dira urtean eta hiru guneetakoa tratatzeko, berriz, 10.973€, erabiltzaile gutxiago izanagatik ere.- Birziklaguneetan kaleko bereizketa maila egongo balitz, Zaldibiako gaikako bilketa %75ekoa izatetik %85ekoa izatera pasako litzateke.

Horregatik, konponbidea ezin da jarraipen hutsean gelditu, datuak hobetzera joan behar dugu, ekonomia zirkularraren bidean. Eta kontuan izan behar ditugu erabiltzaileek egindako ekarpenak. Baina argi izan dezala Zaldibia Herrigintzanek funtzionatzen ez duena eta herriko bilketa indizea 10 puntu jaisten duena hiru guneetako bilketa dela, kontenedore bidezkoa, alegia.

Datozen hilabeteetan konponbide honen bila jarraituko dugu eta Zaldibia Herrigintzaneko ordezkariek lanean aurkituko gaituzte. Inbertsioen ataletik 25.950€ bideratu ditugu horretarako, eta ez 13.800€. Astakeria irudituko zaie agian, baina hondakinen bilketan inbertitzearekin landa-eremuko erabiltzaileei baldintzak hobetzeaz gainera, datozen belaunaldiei ingurumenarekin arduratsua den mundu bat utziko diegu, eta horrek ez du preziorik, hori denon eginbeharra da.

Bide batez, eta gaiarekin bat datorrenez, gure elkartasuna adierazi nahi diegu Ainhoa Intxaurrandieta eta Iñaki Errazkini. Erraustegia gelditu zuten eta EAJ-PSEk mendeku gosez Madrilgo epaitegietara eraman ditu, bizitza osoa hipotekatuko lieketen zigorrak eskatuz. Bi dira epaituko dituztenak, baina gipuzkoarron zati handi batek babesten ditu eta hori erakusteko igande honetan, apirilak 15, elkartasun ekitaldia egingo da Azpeitian 12:30ean. Bertaratzeko deia egiten dizuegu herritarroi.

Aurrekontuei dagokienez, berriz, ez gara asko luzatuko. Zaldibia Herrigintzanek ezezkoa bozkatu zuen, ez gintuen asko harritu. Zirriborroa aurkeztu genien ekarpenak egin zitzaten, baina ekarpenik ez. Komentarioak soilik: ur-sisteman, berdintasunean, parte hartzean, adin txikikoen laguntzan, hondakinetan… diru asko gastatzen dela. Eta helburu eza leporatzen digute. Bada helburuak baditu aurtengo aurrekontuak, ez nolanahikoak gainera: udal-langilegoaren lan-baldintzak hobetu, udal-zerbitzuei eutsi eta hobetu, herriko eragileei lagundu, askotariko inbertsioak egin, tartean udal eraikin berriaren lehen fasea. Eguneroko beharrak albo batera utzi gabe, begirada etorkizunean duten aurrekontuak dira. Beraz, helburuak baditu. Besterik da Zaldibia Herrigintzani gustatzea.

Azkenik, ditxosozko CUPOa. Legez herritarrona zena, Madrildik EAJk ekarri zuelako eskerrak eman beharko dizkiegu, gainera. Noski diru hori erabiliko dugula, esan bezala zaldibitarrona delako. PPk gehiengo osorik ez duela aprobetxatuz, Madrildik puxkak ekarriz eta hemen urrearen pare salduz dabiltza EAJkoak. Aurten ere gauza bera gertatuko da azkenean. Kataluniarekiko keinu txikiena nahikoa izango da EAJk PPren aurrekontuak onar ditzan, pentsionistentzat burla hutsa diren aurrekontu horiexek berak, hain zuzen.

Gure galdera da: AHTa eta beste ordaintzeko edozerk balio du? Gurea eta beste nazioak onartzen ez dituenari babesa eman behar diote? Demokrazia hutsune larriak dituen estatua gobernatzen duen alderdi hustelari babesa eman behar diote? Noiz arte jarraitu behar du EAJk Madrilera begira, herri honen burujabetzari frenua jartzen?

Zaldibin, 2018ko apirilaren 13anZaldibiko EHBilduren udal-taldea

]]>
Fri, 13 Apr 2018 22:48:12 +0100 ALBISTEAK http://www.zaldibia.org/ehbildu/albisteak/3617 Fri, 13 Apr 2018 22:48:12 +0100 2018-04-13 2018-04-13 0 3617 zaldibiako ehbildu
<![CDATA[EHBilduren Udal-taldearen oharra Emakumeen Egunaren harira]]> http://www.zaldibia.org/ehbildu/albisteak/3588/EHBilduren_Udal-taldearen_oharra_Emakumeen_Egunaren_harira/ Atzoko osoko bilkuran jakinarazi genuenez, udal-taldeko EHBilduko emakumeok mugimendu feministak deitutako lanuzte eta mobilizazioekin bat egingo dugu eta deia egiten diegu gainerako udal-talde, eragile politiko, sindikal zein sozialei, eta herritarrei ekimenetan  parte har dezaten.]]> Iaz, 70 herrialde baino gehiagotan, emakumeek nazioarteko emakumeen grebarako deialdia zabaldu zuten, emakumeen kontra indarkeria eta desberdintasun molde ugari eragiten dituen munduaren aurrean.

Aurtengo martxoaren 8an Euskal Herriko mugimendu feministak, sindikatuek (ELA, LAB, ESK, CNT, ESTEILAS, CCOO, UGT) eta hainbat eragile politikok bat egin dugu EMAKUMEOK PLANTO aldarriarekin, emakumeak menpean hartzen eta zapaltzen dituen sistema kapitalista, arrazista eta heteropatriarkala salatzeko.

Udal-taldeko EH Bilduko emakumeok mugimendu feministak deitutako lan etenaldiak burutuko ditugu eta ordu horietan herriz herri antolatuko diren mobilizazioetan parte hartuko dugu.

Hainbat mobilizazio eta ekintza daude deituta Zaldibin egun horretan:

12:00etan Elkarretaratzea plazanArratsaldean eskulanak eta merienda haurrekin18:30ean Pintxo-potea musika eta bertsoz lagunduta20:00etan Elkarretaratzea plazan20:30ean afaria

Hau horrela, herriko beste udal-taldeei, eragile politiko, sindikal zein sozialei eta orokorrean, herritarrei mugimendu feministak deitutako mobilizazio deialdi honekin bat egitera eta gure herrian antolatu diren ekitaldietan aktiboki parte hartzeko deialdia egiten diegu.

Martxoaren 8an, emakumeok planto!

]]>
Wed, 07 Mar 2018 12:50:28 +0100 ALBISTEAK http://www.zaldibia.org/ehbildu/albisteak/3588 Wed, 07 Mar 2018 12:50:28 +0100 2018-03-07 2018-03-07 0 3588 zaldibiako ehbildu
<![CDATA[Kaixo Kataluniar Errepublika]]> http://www.zaldibia.org/ehbildu/albisteak/3485/Kaixo_Kataluniar_Errepublika/ Zaldibiako EHBilduren ekimenez, datorren ostegunean, hilak 2, arratsaldeko 4etan Ez Ohiko eta Presazko bilkura burutuko da Udaletxeko Pleno Aretoan. Atxikita duzuen mozioa eztabaidatu eta onartuko da. Larunbatean, 17:00etan Bilbon manifestazioa egingo da "155.ari ez. Demokrazia eta erabakitzeko eskubidea" lelopean, EHBildu ere bertara atxikitu delarik. Dei egiten dizuegu bai plenoan, baita manifestazioan ere parte hartzera.]]> Tue, 31 Oct 2017 17:58:18 +0100 ALBISTEAK http://www.zaldibia.org/ehbildu/albisteak/3485 Tue, 31 Oct 2017 17:58:18 +0100 2017-11-02 2017-11-02 1 3485 zaldibiako ehbildu <![CDATA[Kataluniarekin bat, Demokraziarekin bat]]> http://www.zaldibia.org/ehbildu/albisteak/3447/Kataluniarekin_bat_Demokraziarekin_bat/ Asteazkenean, Katalunian bizi izan zen estatu kolpeari erantzunez, kalera atera ginen erasoa salatu eta kataluniarrei elkartasuna adieraztera. Gaur, ostirala, 15:00etan Udaletxeko batzar aretoan EHBilduk aurkeztutako mozioa izango da eztabaidagai. Bertaratzeko deia egiten dizuegu.]]> Kataluniako herritarren gehiengoaren eskariari ateak irekiz, Kataluniako instituzio nagusiek herritarren nahiei eta hitzari bide emateko erabaki irmoa hartu dute eta hori gauzatzeko urratsak eman dituzte azken hilabete eta urteetan.

Horren aurrean, espainiar estatuak zaharkitutako lege, mespretxu eta indarrez erantzun du, asteazken goizean bide horretan urrats kualitatiboa eman zuelarik.

Iluntzean egindako elkarretaratzearekin, espainiar estatuaren izaera antidemokratikoa salatu nahi izan genuen eta batez, babesa eta elkartasuna erakutsi nahi izan genion Kataluniako herriari.

Instituzioak, ordezkari politikoak eta alkateak jo puntuan dituzten honetan, Zaldibiako Udalean ere mozioa aurkeztu dugu eta presazko ez-ohiko osoko bilkura egingo da gaur, ostirala, arratsaldeko 15:00etan batzar aretoan. Atxikita duzue Udalean aurkeztu dugun mozioa.

Jarrai dezagun datozen egunetan ere kataluniar herriari babesa eman eta geure herrian ere bide hori har dezagun baldintzak sortzeko lan egiten.

EHBildu Zaldibia

]]>
Fri, 22 Sep 2017 11:07:37 +0100 ALBISTEAK http://www.zaldibia.org/ehbildu/albisteak/3447 Fri, 22 Sep 2017 11:07:37 +0100 2017-09-22 2017-09-22 0 3447 zaldibiako ehbildu
<![CDATA[Uztaileko UdalHerri Bilgune berezia]]> http://www.zaldibia.org/ehbildu/albisteak/3405/Uztaileko_UdalHerri_Bilgune_berezia/ Kurtso amaierarekin batera, bigarren urteurrena osatu du gobernuan 2015-2019 legegintzaldiko EHBilduren udal-taldeak. Balantzea egin eta aurrera begirako erronkak elkarbanatzeko baliatuko da bilgunea. Hilak 26, asteazkena, 19:00etan Karreanen izango da hitzordua.]]> Thu, 20 Jul 2017 19:51:07 +0100 ALBISTEAK http://www.zaldibia.org/ehbildu/albisteak/3405 Thu, 20 Jul 2017 19:51:07 +0100 2017-07-26 2017-07-26 1 3405 zaldibiako ehbildu <![CDATA[EHBilduren Prozesu Eratzailea: EMAN IZENA]]> http://www.zaldibia.org/ehbildu/albisteak/3352/EHBilduren_Prozesu_Eratzailea:_EMAN_IZENA/ Igandera arteko epea duzu EHBilduren prozesu eratzailean parte hartu nahi baduzu. Izena emateko EGIN KLIK HEMEN. Ordenagailuz hain ondo moldatzen ez bazara, GAUR, ostirala, 19:00etatik 20:00etara JOXEPANEN izena emateko aukera izango da.]]> Jakingo duzun bezela, koalizioa osatzen duten alderdiek EHBildu subjektu politiko izan dadin akordioa onartu dute eta ekainaren 17an izango da kongresua, bertan besteak beste zuzendaritza berria, arloetako idazkaritzak eta estatutoak onartuko direlarik.EHBildu, izenak izana emanik, jendarteko sektore ezkertiar eta soberanistak biltzeko anbizioz sortu zen, hauentzat tresna izateko bokazioz. Gaur da eguna, koalizioa osatzen duten lau alderdietako kideez haragoko herritarrek EHBildu bere sentitzen dutena.Azken bi urteetan zain egon gara orain abiatu berri den prozesu eratzailea hasteko, etengabeko hauteskunde zitek orain arte horretarako patxadarik ez baitigute eman. Prozesu eratzaile honen bidez, EHBilduk gorputz propioa hartuko du, erabakigune eta egitura propioak izango ditu.Igandera arteko epea dago prozesuan parte hartu ahal izateko izena emateko. Hau eginda, hautagaitzak aurkeztu edo babestu ahal izango dituzu eta ekainaren 12tik 16ra hautagaitzak bozkatu ahal izango dituzu.

Horretarako EGIN KLIK HEMEN edo ostirala, ekainak 2, 19:00etatik 20:00etara JOXEPANEra gerturatu izena emateko.

EHBildu Zaldibia

]]>
Fri, 02 Jun 2017 12:51:57 +0100 ALBISTEAK http://www.zaldibia.org/ehbildu/albisteak/3352 Fri, 02 Jun 2017 12:51:57 +0100 2017-06-02 2017-06-02 0 3352 zaldibiako ehbildu
<![CDATA[Maiatzeko Udalherri bilgune irekia]]> http://www.zaldibia.org/ehbildu/albisteak/3348/Maiatzeko_Udalherri_bilgune_irekia/ Mon, 29 May 2017 15:42:42 +0100 ALBISTEAK http://www.zaldibia.org/ehbildu/albisteak/3348 Mon, 29 May 2017 15:42:42 +0100 2017-05-30 2017-05-30 1 3348 zaldibiako ehbildu <![CDATA[EHBilduren Prozesu Eratzailea]]> http://www.zaldibia.org/ehbildu/albisteak/3334/EHBilduren_Prozesu_Eratzailea/ EHBildu, 5 urteko ibilbidearen ondoren, alderdien koalizio izatetik alderdi jakinekin loturarik ez duten pertsona eta sektoreak bilduko dituen subjektu politiko bihurtzera doa. Horretarako prozesu eratzailea jarri du abian, ekainaren 17ko kongresuan amaituko dena.]]> EHBildu koalizioa osatzen duten alderdiek ibilbide politiko luzea badute ere, Bildu hasieran eta EHBildu ondoren, ia-ia agente politiko jaioberriak dira, 5 urteko haurtxoak, esate baterako.

Ibilbide labur baina intentso honek, hainbat garaipen eta hainbat porrot, hainbat poz eta hainbat tristura, hainbat lan eta hainbat neke... utzi dizkigu.

EHBildu, izenak izana emanik, jendarteko sektore ezkertiar eta soberanistak biltzeko anbizioz sortu zen, hauentzat tresna izateko bokazioz. Gaur da eguna, koalizioa osatzen duten lau alderdietako kideez haragoko herritarrek EHBildu bere sentitzen dutena.

Azken bi urteetan zain egon gara orain abiatu berri den prozesu eratzailea hasteko, etengabeko hauteskunde zitek orain arte horretarako patxadarik ez baitigute eman. Prozesu eratzaile honen bidez, EHBilduk gorputz propioa hartuko du, erabakigune eta egitura propioak izango ditu.

Prozesu eratzaileak mugarri bat izango du: Ekainaren 17ko kongresua. Horren aurretik, ordea, herriz herri eta eskualdez eskualde aurkezpen eta eztabaida foroak antolatuko dira. Goierrin bi hitzordu dauzkagu aukeran:

MAIATZAren 22an, ASTELEHENA, 18:30ean SEGURAko Kultur Etxean MARIAN BEITIALARRANGOITIA eta UNAI LARREATEGIrekin

MAIATZAren 24an, ASTEAZKENA, 19:00etan BEASAINgo ARRANOn AINHOA BEOLA eta EIDER IMAZekin

Foro hauetan parte hartzerik ez duzuenontzat, jakin datorren UDALHERRI bilgunean gaia landuko dugula eta ekarpenak egiteko aukera izango dela. Laister egingo dugu bilguneko deialdia.

Eskerrik asko eta egin herri!

]]>
Fri, 19 May 2017 17:58:31 +0100 ALBISTEAK http://www.zaldibia.org/ehbildu/albisteak/3334 Fri, 19 May 2017 17:58:31 +0100 2017-05-22 2017-05-22 1 3334 zaldibiako ehbildu
<![CDATA[Martxoko Udalherri bilgune irekia]]> http://www.zaldibia.org/ehbildu/albisteak/3290/Martxoko_Udalherri_bilgune_irekia/ Hilak 28, asteartea, iluntzeko 19:00etan Karreane Kultur Etxean elkartuko gara. Esku artean ditugun erronkak, pasa den ostiralean Gipuzkoako Batzarrean aipatutakoak eta bestelako ekarpenak izango ditugu hizketagai. Bertaratzeko gonbita luzatzen dizugu!]]> Mon, 27 Mar 2017 17:20:48 +0100 ALBISTEAK http://www.zaldibia.org/ehbildu/albisteak/3290 Mon, 27 Mar 2017 17:20:48 +0100 2017-03-28 2017-03-28 1 3290 zaldibiako ehbildu <![CDATA[Zaldibiako EHBilduren iritzia Aralarko auziaren inguruan]]> http://www.zaldibia.org/ehbildu/albisteak/3206/Zaldibiako_EHBilduren_iritzia_Aralarko_auziaren_inguruan/ Ikusirik Aralarri buruzko egitasmoek sortu duten ika-mikak bizi-bizian harrapatzen gaituela, honakoa adierazten dugu:

1. Aralar guztiona da eta guztiok izan behar dugu Aralarren oraina eta etorkizuna marrazteko protagonista.

2. Ezin dugu ahaztu Aralar Parke Naturala eta Kontserbazio Bereziko Eremua dela eta beraz, bertan egin daitekeenaren edo egin ezin denaren hesia berak marrazten digula.

3. Onartzen dugu hesiaren barruan egin daitezkeen zenbait egokitzapen beharrezkoak izango direla, baina ez dugu inolaz ere onartzen hesi guztia hankaz gora jarriko duen praktika eta ikuspunturik.

4. Elkar ulertzeko ariketa egin beharra ikusten dugu, bat-batekotasuna, beroaldia, presioa eta amorrazioa alboratu, eta gatazkak konpontzeko bitartekoen jabe eginez, pazientzia, lasaitasuna eta besteen lekuan jartzeko gaitasuna elikatuz.

5. Ezin ditugu ulertu zenbait arduradun instituzional edota eragileek darabilten jarrera xaxatzailea, are gutxiago eremu publikoez eta diru publikoaz ari garenean.

6. Guk, gure aldetik, gure gain dugun ardura politiko-instituzionalaz jabeturik, gatazka honetan osagai demokratikoak, partehartzaileak eta gardenak jartzen saiatu gara, eta hala jarraituko dugu aurrerantzean ere.

Irizpide hauek aintzat harturik, honakoa da geure proposamena:

Enirio-Aralar Mankomunitateak joan den abenduaren 20an onartutako Kudeaketa Plana mahai gainean utzi, eta hausnarketarako eta adostasunak lortzeko prozesu zabal bat ireki dezala. Horrela, eta azterketa integral bat eginez, 2002ko Egitamu Plana berritzea proposatzen dugu erakunde publiko guztien parte hartzearekin eta gizarte-eragileekin elkarlanean. Foru Aldundiak bi hilabete behar izan ditu Kudeaketa Plana egiteko, beraz proposatzen dugun prozesua, sei hilabeteko tartean burutu daitekeela uste dugu, hori bai, borondatea egonez gero.

Elkarlan horren ondorioz, guztion artean bermatu dezagun Aralarren artzaintza eredu jasangarri bat, artzainei bizi-baldintza duinak bermatuko dizkiena, eta era berean, Natura 2000 Sareko Eremu Babestua den Aralar Natur Parkeko ondare natural eta kulturalaren kontserbazioa bermatuko duena.

2017ko urtarrilaren 26an, Zaldibian

]]>
Thu, 26 Jan 2017 11:39:20 +0100 ALBISTEAK http://www.zaldibia.org/ehbildu/albisteak/3206 Thu, 26 Jan 2017 11:39:20 +0100 2017-01-26 2017-01-26 0 3206 zaldibiako ehbildu
<![CDATA[Urtarrileko Udalherri bilgunea]]> http://www.zaldibia.org/ehbildu/albisteak/3202/Urtarrileko_Udalherri_bilgunea/ 2017arekin batera, hemen datorkigu urteko lehen Udalherri bilgunea. Bi gai nagusi izango ditugu mahai gainean: Zaldibiako EHBilduren aurtengo erronkak eta Aralar Parke Naturala. Ohi bezala, bertaratzera gonbidatzen zaitugu!]]> Fri, 20 Jan 2017 17:17:42 +0100 ALBISTEAK http://www.zaldibia.org/ehbildu/albisteak/3202 Fri, 20 Jan 2017 17:17:42 +0100 2017-01-24 2017-01-24 1 3202 zaldibiako ehbildu <![CDATA[Urriko Udalherri bilgunea]]> http://www.zaldibia.org/ehbildu/albisteak/3119/Urriko_Udalherri_bilgunea/ Kurtso berriari hasiera emanez, ostegun honetan, urriak 27, arratsaldeko 18:30ean Karreane Kultur Etxeko goiko pisuan elkartuko gara esku artean ditugun hainbat gai jorratzeko. Bertaratzeko deia luzatzen dizuegu!]]> Bileran landuko ditugun gaietako batzuk hauek izango dira:

- Hauteskundeen balorazioa eta hurrengo urratsak

- Aralarko pistak

- Zaldibia Lagunkoia Programa

- Goizaneko Eraldaketa Gunea

- Hondakinen kudeaketa azterketa

- Parte Hartze prozesuaren egoera eta hurrengo urratsak

- Tarte irekia

Bertan elkar ikusiko dugulakoan, laster arte!

EHBildu Zaldibia

]]>
Tue, 25 Oct 2016 14:25:19 +0100 ALBISTEAK http://www.zaldibia.org/ehbildu/albisteak/3119 Tue, 25 Oct 2016 14:25:19 +0100 2016-10-27 2016-10-27 1 3119 zaldibiako ehbildu
<![CDATA[Igandean bozkatu EHBildu!]]> http://www.zaldibia.org/ehbildu/albisteak/3088/Igandean_bozkatu_EHBildu!/ Hemen duzue programa. Arloka antolatuta daude neurri eta proposamen zehatzak.

Igandean 9:00etan irekiko dira hauteskunde mahaiak eta 20:00etan itxi. Bertan izango dira EHBilduko hainbat bolondres ahaldun bezala edozein arazo edo zalantza baduzu galdetzeko.

21:00etan, afaria izango dugu Joxepanen hauteskunde emaitzak ikusi eta lehen balorazioak egiteko lagunartean. Afarirako zerrenda Joxepanen bertan dago eta gaur da izena emateko azken eguna.

Besterik gabe, informazioa argigarria izango zaizulakoan, igandera arte!

EGIN HERRI, EGIN IRRI!

EHBildu Zaldibia

]]>
Fri, 23 Sep 2016 09:58:23 +0100 ALBISTEAK http://www.zaldibia.org/ehbildu/albisteak/3088 Fri, 23 Sep 2016 09:58:23 +0100 2016-09-25 2016-09-25 1 3088 zaldibiako ehbildu
<![CDATA[Hauteskunde hitzaldia ostegunean]]> http://www.zaldibia.org/ehbildu/albisteak/3087/Hauteskunde_hitzaldia_ostegunean/ Irailak 22, osteguna, iluntzeko 7etan izango da hitzaldia herriko plazan eguraldiak laguntzen badu. Oihana Etxebarrieta eta Ainhoa Beola zerrendakideak izango ditugu gurekin. Zatoz!]]> Wed, 21 Sep 2016 12:21:00 +0100 ALBISTEAK http://www.zaldibia.org/ehbildu/albisteak/3087 Wed, 21 Sep 2016 12:21:00 +0100 2016-09-22 2016-09-22 1 3087 zaldibiako ehbildu <![CDATA[Hauteskunde kanpaina Zaldibin]]> http://www.zaldibia.org/ehbildu/albisteak/3083/Hauteskunde_kanpaina_Zaldibin/ IRAILAK 16, OSTIRALA:

Goierriko ekitaldia Beasainen, 18:30ean Pergolatan (Gernika pasealekua) MADDALEN IRIARTE eta AITZOL CAJARAVILLErekin.

IRAILAK 17, LARUNBATA:

9:00etan plazatik BASERRIETAKO BOTO-BANAKETA eta 11:30etik aurrera ZALDIBIKO PLAZAN eskuorri eta bozka banaketa eta kamiseta salmenta.

Arratsaldean BILBOKO MIRIBILLAN EKITALDI NAGUSIA. 15:15ean AUTOBUSA Zaldibiko plazatik. Izen ematea Joxepanen.

IRAILAK 20, ASTEARTEA:

Iluntzeko 7etan BASERRIETAKO BOTO-BANAKETA Zaldibiko plazatik abiatuta

IRAILAK 22, OSTEGUNA:

Iluntzeko 7etan, SOLASALDIA Zaldibiako plazan , OIHANA ETXEBARRIETA eta AINHOA BEOLA zerrendakideekin

IRAILAK 25, IGANDEA:

Bozketa eguna! Gauean afaria Joxepanen. Izena eman aurrez bertan.

Hemen duzue EHBilduren hauteskunde informazioa eta programa ikusgai.

Ekimenetan parte hartzera gonbidatzen zaituztegu.

EHBildu Zaldibia

]]>
Thu, 15 Sep 2016 15:27:09 +0100 ALBISTEAK http://www.zaldibia.org/ehbildu/albisteak/3083 Thu, 15 Sep 2016 15:27:09 +0100 2016-09-15 2016-09-15 0 3083 zaldibiako ehbildu
<![CDATA[Hauteskunde prestaketako batzarra gaur]]> http://www.zaldibia.org/ehbildu/albisteak/3072/Hauteskunde_prestaketako_batzarra_gaur/ Iluntzeko 7etan izango da plazan. Hauteskunde lanak antolatu, plangintza osatu eta Arnaldoren hautagaitzaz dugun informazioa emango da. Bertaratzera animatzen zaitugu!]]> Mon, 05 Sep 2016 17:38:43 +0100 ALBISTEAK http://www.zaldibia.org/ehbildu/albisteak/3072 Mon, 05 Sep 2016 17:38:43 +0100 2016-09-05 2016-09-05 1 3072 zaldibiako ehbildu <![CDATA[Legebiltzarrerako hauteskundeak]]> http://www.zaldibia.org/ehbildu/albisteak/3071/Legebiltzarrerako_hauteskundeak/ Irailaren 25ean izango dira eta lanean hasiak gara jada. Jakin berri dugu Arnaldoren hautagaitza atzera bota duela Gipuzkoako Hauteskunde Batzordeak. Larunbatean mintegia dugu Donostian eta datorren astean bilkura irekia herrian, kanpaina prestatzeko.]]> Egungo Lehendakari den Urkullu jaunak, bere arrazoi eta kalkuluak tarteko, hauteskundeak irailaren 25ean egitea erabaki ondoren, garbi dagoena da kurtso hasiera bete-betea izango dugula aurtengoa!

Epeak aurreratzeak hautagaiak aukeratzeko EHBilduk aurreikusita zuen prozedura aldatzea eragin du. Hala ere, hemen dituzue herrialde bakoitzetik aukeztuko diren hautagaiak ikusgai: Legebiltzarrerako hautagaiak

Jakin berri dugu Gipuzkoako Hauteskunde Batzordeak Arnaldoren hautagaitza atzera bota duela eta honekin, errekurtso-erabaki prozedura bat jarriko dela martxan, lehenik Gipuzkoako epaitegian bertan eta ondoren, kontentzioso-administratiboan eta azkenik, Auzitegi Konstituzionalean. Horrela, baliteke hilaren 8an, kanpaina hasteko minutu gutxi falta direla jakitea azken erabakiaren berri.

Hemen duzue informazio gehiago: GARA , ARGIA , BERRIA

Erabakiak erabaki, lanean jarraitzen dugu. Larunbat honetan, hilak 27, hauteskunde mintegia egingo da Donostian, Miramongo Parke Teknologikoan eta bertan hauteskunde hauetako planteamendu politiko eta komunikatiboa azalduko da, baita Arnaldoren hautagaitzaren egoeraren inguruko informazioa eman ere. 10:00etan izango da mintegia eta 9:30ean abiatuko gara Zaldibiko plazatik. Bertaratu nahi duen oro ordu horretan plazara etorri dadila. Mintegiaren ondoren, 12:30ean ekitaldia izango da Arnaldo bera ere bertan izango delarik.

Mintegitik ekarriko dugun informazioarekin eta herriko plangintza prestatzeko, datorren astean bilkura ireki bat egingo dugu. Eguna zehaztean jakinaraziko dugu. Bitartean, hasi burua astintzen eta ideiak lantzen hauteskunde kanpaina honetarako. Aurreko kanpainetako zein ekintza mantendu beharko lirateke? Zein aldatu? Zein ekintza berri egin dezakegu?

Besterik gabe, deialdi hauetan elkar ikusiko dugulakoan,

EGIN HERRI, EGIN IRRI! ARNALDO LEHENDAKARI!

EHBildu Zaldibia

]]>
Wed, 24 Aug 2016 11:59:05 +0100 ALBISTEAK http://www.zaldibia.org/ehbildu/albisteak/3071 Wed, 24 Aug 2016 11:59:05 +0100 2016-08-24 2016-08-24 0 3071 zaldibiako ehbildu
<![CDATA[Kurtsoko azken Udalherri Bilgunea]]> http://www.zaldibia.org/ehbildu/albisteak/3053/Kurtsoko_azken_Udalherri_Bilgunea/ Uztailak, 5 asteartea, iluntzeko 7etan Karreanen izango da bilgunea. Kurtsoari itxiera on bat eman, hauteskunde balorazioa egin eta datorren kurtsoari begirada azkar bat emango diogu. Gonbidatuta zaude!]]> 2015eko azaroan sortu zen Udalherri bilgunea, Udalgintza eta herrigintza uztartuz lanketa egiteko. Ordutik sei bilgune egin dira eta zazpigarren honekin amaiera emango diogu 2015-2016 kurtsoari.

Bilgune hauetan, mometu honetan herriko lan-ildo nagusienak direnak izan ditugu hizpide: parte hartze prozesua, Bilore, Goizaneko Eraldaketa Gunea, hondakinak eta aparkalekuak, komunikazioa... Hauen inguruko errepasoa egin eta egungo egoera azalduko da bilgunean.

Horretaz gain, hauteskundeak pasa berri, hauen inguruko balorazioa egingo dugu iritziak elkarbanatuz eta udazkenean etorriko diren hauteskundeei begira.

Bukatzeko, datorren kurtsoari begirada azkar bat emango diogu, lan-ildoak zein izango diren zehaztuz eta erronka berriak jarriz.

Bilguneko ateak zabalik daude edonorentzat, beraz bertan ikusiko dugu elkar!

EHBildu Zaldibia

]]>
Mon, 04 Jul 2016 11:58:55 +0100 ALBISTEAK http://www.zaldibia.org/ehbildu/albisteak/3053 Mon, 04 Jul 2016 11:58:55 +0100 2016-07-05 2016-07-05 1 3053 zaldibiako ehbildu
<![CDATA[Ekainak 28: Sexu Askapenerako Nazioarteko Eguna]]> http://www.zaldibia.org/ehbildu/albisteak/3046/Ekainak_28:_Sexu_Askapenerako_Nazioarteko_Eguna/ Gaur, Sexu Askapenerako Nazioarteko Eguna dela eta EHBilduren irakurketa duzue hemen. Aurreko asteko Osoko Bilkurara aurkeztu genuen idatzia  aho batez onartua izan zen.]]> 57 urte pasa dira Stonewalleko matxinadatik. 1969ko ekainaren 28an New Yorkeko Stonewall izeneko taberna batean sartu zen polizia transexual, lesbiana, gay eta bisexualak atxilotzera. Orduan jaio zen Sexu Askapenerako mugimendu borrokalari antolatua. Ordutik gizarte zein instituzioetan lanean jardun dugu sexualitatea modu askean bizitzeko.

Gaur inoiz baino biziago ditugu orduko erasoak. Izan ere, duela aste batzuk Orlandon gertatutakoak agerian utzi du oraindik patriarkatuak eta erlijio ezberdinek eragina dutela pertsona LGTBIQen diskriminazio eta erasoetan. Hala nola, Orlandokoaz gain, oraindik ere badira herrialde asko zeinek homofobiaren biolentzia zilegitzat hartzen dutenak.

Orlandon hildako pertsonak lesbiana, transexual, transgenero, gay eta bisexualak izateaz gain, pertsona latinoamerikarrak ziren. Eraso homofobo zein transfoboa izateaz gain, arrazista ere izan da. Sexualitate adierazpen ez normatiboei bazterketa egoera sozioekonomikoa, arrazista eta abar luze bat batzen zaie. Bazterketa multiple honek, bizi egoera eta baldintza zailetan jartzen dute.

Horregatik, ezkerreko indarretatik eta elkartasunetik, diskriminazioaren aurka, homofobia eta transfobiaren aurka, eta aukera berdintasun guztien alde mobilizatzera gonbidatu eta animatu nahi ditugu euskal herritarrak.

Euskal Herri libre batean, sexualitate libreak eraikitzera goazelako.

]]>
Tue, 28 Jun 2016 12:06:25 +0100 ALBISTEAK http://www.zaldibia.org/ehbildu/albisteak/3046 Tue, 28 Jun 2016 12:06:25 +0100 2016-06-28 2016-06-28 0 3046 zaldibiako ehbildu
<![CDATA[Baserrietako boto-banaketa]]> http://www.zaldibia.org/ehbildu/albisteak/3028/Baserrietako_boto-banaketa/ Fri, 10 Jun 2016 11:57:29 +0100 ALBISTEAK http://www.zaldibia.org/ehbildu/albisteak/3028 Fri, 10 Jun 2016 11:57:29 +0100 2016-06-21 2016-06-21 1 3028 zaldibiako ehbildu <![CDATA[Hauteskunde ekitaldia Zaldibin]]> http://www.zaldibia.org/ehbildu/albisteak/3027/Hauteskunde_ekitaldia_Zaldibin/ Herrian egiten ari garen kanpainako ekimen garrantzitsuenetakoa izango da ostiraleko ekitaldia. 19:30ean plazan izango da eta Jone Etxeberria zerrendakidea izango dugu lagun, baita Joseba Permach ere. Zatoz!]]> "Madrila zertara goaz? Zein da gure programa? Arloz arlo zein da gure eskaintza? Zergatik bozkatu behar da EHBildu?" galdera hauek eta gehiago erantzun dizkigute Jone Etxeberriak zerrendakideak eta Joseba Permachek ostiraleko ekitaldian. Ez da mitin bat izango, solasaldi edo tertulia bat baizik. Aulkiak egongo dira eta galderak egiteko aukera ere egongo da, noski.

Ostiralean, 19:30ean Zaldibiako plazan itxarongo zaitugu!

]]>
Fri, 10 Jun 2016 11:50:44 +0100 ALBISTEAK http://www.zaldibia.org/ehbildu/albisteak/3027 Fri, 10 Jun 2016 11:50:44 +0100 2016-06-17 2016-06-17 1 3027 zaldibiako ehbildu