ZALDIBIA.ORG

Larunbatean jokatuko den Mendi lasterketaren ondorioz izango diren trafiko aldaketak.

Maiatzaren 24an ospatu zen Osoko Bilkuran landu zen kontratazio mahaiak egindako proposamena eta Indenort-Proviser UTEari esleitu zaio lana. Gasteiz eta Najeran dute egoitza enpresa hauek eta memoria teknikoan azaldu dutenez esperientzia handia dute halako eraikuntza lanetan. Ekainean zehar tramiteak egin eta lanak uztailean hastea aurreikusten da. 

Urte hasierako herri-batzarrean azaldu zenez, oinezko sarbidea egoera txarrean zegoela ikusirik eta hilerri aurreko bi lur eremuak Udalarenak izanik, hobekuntza proiektu txiki bat garatzen hasteari ekin zaio. Fase ezberdinetan egingo da. Lehen fasean erdiko pasabidea desagertu eta zig-zagean bariante azpitik abiatu eta hilerriko ateraino joango den 2 metroko zabalerako bidea egingo da.

Kultur etxeko beheko solairuan egin behar dituzten obrak direla eta, Kultur Etxea itxita egongo da maiatzaren 20tik 24ra. Obrak lehenago bukatuko balituzte, jakinaraziko da.

Hau dela eta, Udako Jardueretako eta Musika eskolako  izen-ematea telefonoz egin dezakezue,  eta matrikula orriak eta jardueretako kuota, maiatzaren 27tik 29ra  ekarri behar dituzue kultur etxera. Izan ere, izena emateko epea maiatzaren 29ra arte zabaldu da.

Telefono zenbakiak: 943160338 edo 676531079

Barkatu eragozpenak,

Lehen deialdia hutsik geratu ondoren, proiektua eta aurrekontua berraztertu eta bigarren deialdia egin zen apirilean. Atzo amaitu zen aurkezpen epea eta bi eraikitzaile aurkeztu dira. Kontratazio mahaia astelehenean 12:00etan bilduko da puntuazioak zehaztu eta lana nori esleitu proposatzeko. Proposamena Osoko Bilkurak onartu behar du, bilkura hau maiatzaren 24an ospatuko delarik. Epeak betetzen badira, obra uztailean hastea aurreikusten da eta 15 hilabeteko iraupena izango dute.

Sasietak kaleratu dituen apirileko datuek baieztatu dutenez, Zaldibian inoiz izan dugun birziklapen tasa handiena eskuratu dugu, sortzen diren hondakinen %86 birziklatzera bideratzea. 3 birziklaguneak kendu eta auzoetan etxolak martxan jarri bezain laster lortu da marka. Eredugarria da zaldibitarron konpromisoa, zorionak!

Hasi da aurten ere Liztor Asiatikoa bere lehen habiak egiten. Herritarrei dei egiten zaie Liztor Asiatikoaren habia ikusi ez gero udaletxera deitzeko lehen bait lehen. Irakurri gehiago...

Iaz diru-laguntzak emateko ordenantza onartu ondoren, hemen da 2019 urteari dagokion diru-laguntza DEIALDIA. Herriko kultur eta kirol taldeek ekainaren 21era arteko epea dute beren eskaerak telematikoki egiteko. Sakatu hemen eskabidea egiteko. Edozein zalantza argitzeko Kultur Etxera jo.

Urtero bezala astelehenez ospatuko da Saturdi auzoko festa. Barruan duzue ikusgai egitarau oparoa. Zatozte!

Oporrak bakean programaren helburua da urtero bi hilabeteetan zehar (uztaila eta abuztua) 10-12 urte bitarteko saharar haur errefuxiatuak euskal familietan hartzea, basamortuko baldintza gogorretatik atera eta mediku azterketa eta dieta orekatuarekin errekuperatu eta indartzeko. Apirilaren 15a baino lehen eman behar da izena. Informazio gehiago: www.oporrakbakean.eus