• 02
    EKA
    2013
    Zabaldu FacebookenZabaldu Twitter-en

    Patxin eta Potxin pailazoek birziklapenaren aldeko mezua eskualdeko herri guztietara helaraziko dute eta Sasietak hondakinak ondo bereizteko gida banatuko du.

    Patxin eta Potxinek birziklapenaren aldeko mezua zabalduko dute

    Zabor bilketa sistemen inguruko eztabaidak Goierri bete-betean harrapatu du eta Sasieta Mankomunitateak helburua ahalik eta gehien birziklatzea dela gogora araztea erabaki du. Patxin eta Potxin pailazoek birziklapenaren aldeko mezua herri guztietara helaraziko dute eta Sasietak hondakinak ondo bereizteko gida banatuko du. Lehen saioa Mutiloan izan da.

    Birziklatzea erraza da! kanpaina Azeari Andonegi Sasietako lehendakariak, Iñaki Ugalde Mutiloako alkateak, Enrike Enparantzak eta pailazoek eurek aurkeztu zuten asteazken arratsaldean Mutiloako frontoian.

    Andonegik Sasieta aspalditik birziklatzearen garrantzia azpimarratzen ari dela gogoratu zuen. «Horren adibide da hondakinak biltzeko moduan egin diren aurrerapausoak. Itsasondon, Legorretan eta Zaldibian atez ateko bilketa sistema ezarri dugu eta, denbora gutxian, birziklatze tasa bikoiztea lortu dugu».

    Aste gutxiren buruan Segurak eta Ordiziak sistema martxan jartzea espero duela gehitu zuen. «Beste herri batzuetan edukiontzi marroiaren hobekuntzen dihardugu. Eta herri txikietan organikoaren autokudeaketarantz goaz», esan zuen.

    Bere ustez, jendeak birziklatu egin nahi du, baina sarritan zalantzak sortzen zaizkio. Zalantza horiek argitzeko eta jendea kontzientziatzeko jarri dute abian, hain zuzen ere, Birziklatzea erraza da! kanpaina. Etxe guztietan gida bat banatuko dute eta pailazoek hondakin bakoitza zein ontzitara bota behar den argituko dute.

    Gidak bederatzi atal ditu:?beirazko ontziak, papera eta kartoia, ontzi arinak, materia organikoa, errefusa, garbigunea, pilak, olioa eta arropak. Dagoeneko Beasain, Itsasondo, Legorreta eta Zaldibian banatu dute eta aurki gainontzeko herrietara iritsiko da. Enparantzak orain arte erantzun oso ona jaso duela esan zuen.

    Patxin eta Potxin ere eskualdeko herri guztietara joango dira. Euren saioa hondakinen kudeaketarekin lotutako beste ekintza baten eskutik helduko da beti. Mutiloan, adibidez, ikuskizunaren ondoren konposta egiteko tailerra eman zuten. Pailazoen hurrengo saioak Seguran eta Ordizian izango dira. Seguran datorren asteazkenean 17:30ean eta Ordizian ekainaren 16an, 13:00etan plazan.

    Ugalde izan zen hitza hartzen azkena. Sasietari eskerrak eman zizkion kanpainaren aurkezpena Mutiloara eramateagatik. «Guk ere, txikiak izan arren, zer esan, zer egin eta zer erakutsi asko dugu. Ahalik eta gehien birziklatu eta hondakinen kudeaketan eredugarri izan nahi dugu».

    Horretarako, hondakinak biltzeko eredu berria prestatzen ari dira. Mutiloako Udalak bat egin du Sasietak herri txikiei proposatu dien modeloarekin. Konpostaian eta organikoaren autokudeaketan oinarritzen da. Norberak bere etxean bereiziko eta tratatuko du organikoa. Epe motzean, helburua zabor mota hau ez biltzea da.

    Geroz eta gehiago dira konpostatzen duten mutiloarrak. Horretarako, ikastaroak antolatu dituzte. Guztiek konpostatzen dutenean, edukiontzi berdeak kendu eta gainontzeko guztiak bi gunetan jarriko dituzte.

    Goierrikohitza

    Iruzkinak

    Egin zure iruzkina

    • Galdera: garrantzitsua! Erantzuna zenbakiz eman, mesedez
      Galdera hau spam-aren (eskatu gabeko mezuen) aurkakoa da. Robotak edo pertsonak bereizteko balio du. Eskerrik asko.

BATZORDEAK ETA GAIAK

aTEZ ATE 84
2020, uztaila
As. As. As. Ost. Ost. Lar. Ig.
  12
 
3
 
4
 
5
 
6
 
7
 
8
 
910
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30
 
31
 
  
       

>> Hurrengo ekitaldiak

banner telefonoak
UDALBILTZA
Informazio bulegoa
GIDA hondakinak ondo bereizteko
GIDA GAIKAapp
aniztasuna eta migrazioa
MUGIpuzkoa
INFORMAZIO HIDROLOGIKOA
Kultur etxea
banner argisarea
Berdintasuna
Tailerrak

Boletina

ZaldibiaTB

Estekak