• 26
    EKA
    2020
    Azken ostirala dela eta biltzeko deia

    Euskal preso eta iheslari politikoen alde iluntzeko 20:00etan Zaldibiako plazan biltzeko deia egin dute. Gogorarazi dute segurtasun tartea gordetzea ezinbestekoa izango dela eta musukoa  eramatea eskatu dute.

  • 16
    EKA
    2020
    Iaz hainbat korrikalari edo gehiago espero genuen aurten

    Zaldibiako Mendi Lasterketaren bigarren ekitaldia 2021erako utzi du antolakuntzak. Larunbatean zen jokatzekoa, Aralarren barrena eta bi ibilbidetan. Euskal Herriko rankingerako puntuagarria zen, gainera. "Indar gehiagorekin" itzuliko direla dio Unai Belokik. Goierriko Hitzatik jasoa.

  • 29
    MAI
    2020
    Azken ostirala dela eta biltzeko deia

    Hilabeteko azken ostiraletako juntaizoa ber-hartzeko deia zabaldu dute, Euskal preso eta iheslari politikoen alde iluntzeko 20:00etan Zaldibiako plazan biltzeko deia egin dute. Gogorarazi dute segurtasun tartea gordetzea ezinbestekoa izango dela eta musukoa nahiz eskularruak eramatea eskatu dute.

  • 01
    EKA
    2020
    Haurreskolan izena ematea zabalik

    Gaur ireki da Zaldibiako Haurreskolan izena on line emateko epea, maiatzaren 21etik ekainaren 8ra. Aurrez aurre izena emateko aukera ekainaren 1etik 8ra.

  • 16
    MAI
    2020
    Ni.eus euskarazko e-mail zerbitzua

    PuntuEUS Fundazioak eta Guebs enpresa euskaldunak elkarlanean sortu dute ni.eus, pribatutasuna errespetatzen duen euskarazko .EUS e-mail zerbitzua. Eskari zabal bati erantzunez, pertsonen arteko harreman digitaletan .EUS domeinua erabiltzea posible egiten du.

  • 12
    API
    2020

    Euskal Herria BATERA ekimenetik iganderako deialdia luzatu dute. Gaurtik hasita elkartasun mezuz osatutako mosaikoa egiteko deia, igandean ikurriñak balkoietan eta 12:30etan minutuko isilunean eta ondoren Txoria txori abestera. Informazio osoa hemen.

    Aberri egunerako deialdia
  • 27
    MAR
    2020

    Ostiral honetarako deialdia zabaldu bagenuen ere, hainbat herritan ikusitakoa jarraiki eta segurtasun neurriak bermatu daitezen, Zaldibiako 30 herritarri eman diete hitzordua Odol Emaileen Elkartetik gaur odola ateratzeko. Kopuru hau osatu da eta beraz, herritar hauei eskerrak emateaz gain, gaur etorri ezin zaretenoi hurrengo deialdietan gerturatzen jarrai dezazuen eskatzen dizuegu.

  • 27
    MAR
    2020
    Odola emateko deialdia Zaldibian

    Martxoaren 27an, ostirala, ohiko maiztasunari jarraituz, odola emateko deialdia dago. Beti bezala, 18:30etik 20:30era Lardizabal Herri Eskolan izango da hitzordua.

     

    Ez da ohiko moduan izango, ordea, Covid-19aren gaitza dela eta, ohi baino segurtasun neurri zorrotzagoak hartuko baitira. Bertaratzen direnei bertan jakinaraziko dizkiete jarraitu beharreko prozedurak.

  • 13
    MAR
    2020
    Zubi Buru elkartea ere  itxita koronabirusaren zabalpena oztopatzeko

    Gaur ondorengo mezua zabaldu dute bazkideen artean:

    Koronabirusa dela eta, hartzen ari diren neurriak zein diren kontutan hartuta, Zubi Buruko Zuzendaritza Batzordeko kideok Elkartea ixtea erabaki dugu Martxoaren 28rarte, oraingoz. Edozein aldaketa dela, bide berdinetik jakinaraziko zaizue. Eskerrikasko aldez aurretik eta barkatu eragozpenak.

  • 13
    MAR
    2020

    Martxoaren 14ean ospatuko bada ere, bezperan ostiralean Goierri Rallysprintak antolatuta puzgarriak eta autoen erakusketa  izango ditugu Zaldibiako plaza  16:00etatik 19:00tara (eguraldiak lagundu ezean Resti pilotalekuan). Berrikuntza gehiago ere izango omen dira.

    Ostiralean auto erakusketa eta puzgarriak, larunbatean Rallya