ZALDIBIA.ORG

Artxanberri kaleko lokaletara ekainean egin nahi du zerbitzuen lekualdaketa udalak. 2018rako 1,7 milioi euroko aurrekontua onartu du. Udaletxe berria da asmo mardulena, aurkezpena gaur 19etan.

Goierrikohitza

Asier Galarza muxikarra gailendu zen, seigarren urtez Joxepanen burutu zen bertso saioan. Aitor Servier azkaindarrak ere Osinalderako txartela lortu zuen eta Eneko Araiztegi segurarrak eraman zuen entzuleen saria. Hemen Zaldibia Telebistaren laburpen bideoa, bertsoaldi onenekin.

Jexux Mari Jauregi Altzo Txiki eta Joxi Etxeberria laugarren postuan geratu dira gaur Uztaritzen jokatu den Euskal Herriko X. Mus Txapelketan. Informazio guztia www.ehmus.eus helbidean.

Atzo amaitu zen Marokon barrena, aste osoan zehar, burutu den Panda Raid lasterketa solidarioa. Autoak Marrakexera heldu ziren atzo arratsaldean eta Manex eta Ander Mendizabalek lan bikaina eginda, 4x4 kategorian, 160 Pandetatik, 22. amaitu dute. ZORIONAK!!

Manex eta Ander Mendizabalek postu bikainean jarraitzen dute, sailkapen nagusiko 33.ak dira eta berain 4x4 kategoriako 24.ak.  Lasterketan jarraitzen duten 320 Pandei, azken bi etapak falta zaizkie raid solidario honen helmugara iristeko.

Xabier Rey Urmeneta euskal preso politikoaren heriotza dela eta elkarretaratzeko deia luzatu dute bihar 20:00etarako Zaldibiako plazan.

Lasterketa hasi aurretik autoarekin arazo teknikoak izan arren, konpondu eta aurrera egin ahal izan zuten. 350 Pandatik gora irten ziren Madrildik, eta 38. postu bikainean doaz Manex eta Ander Mendizabal zaldibitarrak, lehen bi etapen ondoren. Ea hurrengo lau etapak nola doazkien, ostiralean Marrakexera iritsi aurretik.

Zubi Buruko 43. mus txapelketako finala Iñaki Imaz txori eta Igor Barbero zaldibitarren aurka jokatu dute ordiziar eta Billabonarrak osaturiko bikote garaileak. Hirugarren bikotea Etxarri Arantzetik etorritakoa izan da. Laugarrena eta bostgarrena lazkaotarra eta seigarrena legorretarra. Zazpigarren bikotea etxekoa,Joxi Etxeberria eta Altzo Txikik osaturikoa izan da eta zortzigarren saria tolosaldera joan da.

Manex Mendizabal eta Ander Mendizabal anaiek, Marokon burutzen den Panda Raid lasterketa solidarioan parte hartuko dute. Ostegunean 15:30etan irtengo dira herriko plazatik, Madrilera bidean.

Euskal Herriko X. Mus Txapelketako,  Gipuzkoako  finalean 3 bikote zaldibitarretik bik aurrera egin dute.  Goierritik sailkatu diren 11 bikoteak Uztaritzen (Lapurdi) dute hurrengo zita martxoaren 10ean. 

Altzo Txiki -Joxi Etxeberria eta Aitor Jauregi -  lulu bikoteek ordezkatuko dute Zaldibia musaren lehiaketa gorenean. Informazio guztia: www.ehmus.eus